ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բուլղարիայի հայոց թեմի առաջնորդ է ընտրվել Տ. Իսահակ վարդապետ Պողոսյանը

20 հունիսի, 2015 | 19:04

bulgaria Hayr_IsahakՀունիսի 20-ին, օրհնությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, Բուլղարիայի հայոց թեմում` Վառնա քաղաքի Ս. Սարգիս եկեղեցում, տեղի ունեցավ թեմակալ առաջնորդի ընտրությունը:

Վեհափառ Հայրապետի հանձնարարությամբ ընտրությանը ներկա Ուկրաինայի հայոց թեմի առաջնորդ Տ. Մարկոս եպիսկոպոս Հովհաննիսյանի, ինչպես նաև թեմական-պատգամավորական ժողովի դիվանի տեղեկացմամբ, ժողովի 52 անդամներից ներկա գտնվող 48 պատգամավորները Մայր Աթոռի միաբանների եռանուն ցանկից (Հոգեշնորհ Տ. Նարեկ վարդապետ Ավագյան, Հոգեշնորհ Տ. Իսահակ վարդապետ Պողոսյան, Հոգեշնորհ Տ. Զաքարիա վարդապետ Բաղումյան) Բուլղարիայի հայոց թեմի առաջնորդ են ընտրել Մայր Աթոռի Սոցիալական ծառայությունների գրասենյակի տնօրեն Հոգեշնորհ Տ. Իսահակ վարդապետ Պողոսյանին:

Ամենայն Հայոց Կաթողիկոսի հայրապետական օրհնությունն ստանալուց հետո Բուլղարիայի հայոց թեմի նորընտիր առաջնորդն կստանձնի իր առաջնորդական պարտականությունները:

 Տ. Իսահակ վարդապետ Պողոսյան

(կենսագրություն)

Տ. Իսահակ վարդապետ Պողոսյանը ծնվել է 1978 թ. նոյեմբերի 20-ին մայրաքաղաք Երևանում:

1996-2002 թթ. սովորել և ավարտել է Մայր Աթոռ Սուրբ Էջմիածնի Սևանի Վազգենյան Դպրանոցն ու Գևորգյան Հոգևոր Ճեմարանը:

2002 թ. դեկտ. 25-ին Երևանի Ս. Գրիգոր Լուսավորիչ մայր եկեղեցում ձեռնադրվել է սարկավագ:

2002 թ.-ից որպես օգնական-քարտուղար աշխատանքի է անցել Մայր Աթոռի Տնտեսական բաժնում:

2003 թ. ծառայության է նշանակվել Մայր Աթոռի մատակարարման բաժնում:

2005 թ. փետրվարի 3-ին` Ս. Վարդանանց տոնին, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ և ձեռամբ Գերաշնորհ Տ. Միքայել եպիսկոպոս Աջապահյանի Ս. Էջմիածնի Մայր տաճարում ձեռնադրվել է կուսակրոն քահանա:

2006 թ. իր ծառայությունն իրականացրել է Մայր Աթոռի Մատակարարման բաժնի տնօրենի պաշտոնակատարի հանգամանքում:

2007-2008 թթ. Հունաստանի Աթենք քաղաքում մասնակցել է լեզվի դասընթացների:

2009 թ. նշանակվել է Վեհարանի հյուրընկալ, իսկ 2010-2013 թթ. Մայր Աթոռի մաքսային լիազոր:

2010 թ. պաշտպանել է` «Վարագա Սուրբ Նշանը և վանքը հայ մատենագրության մեջ» խորագրով վարդապետական թեզը, և ձեռամբ Գերաշնորհ Տ. Փառեն եպիսկոպոս Ավետիքյանի ստացել մասնավոր վարդապետության աստիճան:

2011 թ. Մայր Աթոռի Գևորգյան Ճեմարանում ծառայության է անցել` որպես տնտեսական և կարգապահական գծով պատասխանատու:

2011-2012 թթ. Կանադայի Տորոնտո քաղաքում ուսանել է անգլերեն և Նոր Կտակարանի ներածություն:

2014-2015 թթ. սովորել է Երևանի Խաչատուր Աբովյանի անվան համալսարանում:

2014 թ-ից Մայր Աթոռ Սուրբ Էջմիածնի Սոցիալական ծառայությունների գրասենյակի տնօրենն է:

Հայր Սուրբը մի քանի գրքերի հեղինակ է:

Մայր Աթոռի տեղեկատվական համակարգ


Առնչվող նյութեր
1. Հայ-բուլղարական բարեկամությանը նվիրված մշակութային միջոցառում Սոֆիայում
2. Հայ-բուլղարական կրթական պայմանագրի ստորագրում Սոֆիայում
3. Սոֆիայում բացվեց բուլղարահայ հայտնի նկարիչ Արշակ Ներսիսյանի ցուցահանդեսը
4. Սոֆիայում նշվեց Հայաստանի անկախության 27-ամյակը
5. Բուլղարահայ նկարիչ Բեդիգ Բեդրոսյանի հուշարձանը Սիլիստրայում
6. Սոֆիայում տեղի ունեցավ հանդիպում արձակագիր Նարինե Աբգարյանի հետ
7. Պեյո Յավորովին նվիրված միջոցառումներ Բուլղարիայում
8. Դեսպան Սարգսյանը քննարկել է Սոֆիայի և Երևանի միջև ուղիղ ավիաչվերթի վերաբացման հարցը:
9. Բուլղարիա-Հայաստան պատգամավորական խումբը նոր կազմ ունի
10. «Եթե մարդն իր արմատները մոռանա, կործանված է». Գևորգ Գրիգորյան

Մեկնաբանություն

Վերջին լուրեր
1.Գավառում վերաբացվեց Լևոն Քալանթարի անվան դրամատիկական թատրոնը
2.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
3.Մտորումներ Լատվիայի անկախության 100-ամյակի առթիվ
4.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
5.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
6.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
7.Եվրամիությունը աջակցում է «Հայաստանում ընտրական գործընթացների աջակցություն» ծրագրին
8.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
9.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
10.Գարեգին Բ- Նիկոլ Փաշինյան հանդիպում Մայր Աթոռում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: