ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բոսնիա և Հերցեգովինա-Հայաստան. Իգոր Ցրնադակը Երեւանում

30 օգոստոսի, 2017 | 22:43

Օգոստոսի 30-ին Հայաստանի արտաքին գործերի նախարար Էդվարդ Նալբանդյանը հանդիպեց պաշտոնական այցով Երևան ժամանած Բոսնիա և Հերցեգովինայի արտաքին գործերի նախարար Իգոր Ցրնադակին:

Հանդիպումը մեկնարկեց առանձնազրույցով, ապա շարունակվեց ընդլայնված կազմով՝ պատվիրակությունների մասնակցությամբ։

Ողջունելով հյուրին՝ նախարար Նալբանդյանը նշեց, որ այս տարի լրանում է Հայաստանի և Բոսնիա և Հերցեգովինայի միջև դիվանագիտական հարաբերությունների հաստատման 20-ամյակը՝ հույս հայտնելով, որ այս այցը նոր լիցք կհաղորդի երկու երկրների միջպետական կապերի ամրապնդմանը:

Շնորհակալություն հայտնելով Երևան այցելելու հրավերի համար` Իգոր Ցրնադակը շեշտեց, որ իր այցելության նպատակը Հայաստանի հետ տարբեր ոլորտներում համագործակցությանը խթան հաղորդելն է։

Հանդիպման ընթացքում արտգործնախարարները մտքեր փոխանակեցին թե՛ երկկողմ, թե՛ բազմակողմ հարթակներում համագործակցության ընդլայնման, զարգացման և ամրապնդման վերաբերյալ:

Հայաստանի և Բոսնիա և Հերցեգովինայի արտաքին գործերի նախարարները պայմանավորվեցին ակտիվացնել քաղաքական երկխոսությունը՝ նշելով, որ արտգործնախարարությունների միջև պարբերական խորհրդակցությունների անցկացումը կարող է լավ մեկնարկ հանդիսանալ քաղաքական երկխոսության խորացման համար:

Հանդիպման ընթացքում արտաքին գործերի նախարարներն անդրադարձ կատարեցին երկկողմ առևտրատնտեսական կապերի խթանման ուղիներին։

Նախարարները պայմանավորվեցին քայլեր ձեռնարկել իրավապայմանագրային դաշտի ընդլայնման ուղղությամբ։

Զրուցակիցներն անդրադարձան նաև միջխորհրդարանական ձևաչափով փոխգործակցությանը, քննարկեցին ապակենտրոնացված համագործակցության հնարավորությունները:

Հայաստանի արտաքին գործերի նախարարն իր գործընկերոջը ներկայացրեց Լեռնային Ղարաբաղի հիմնախնդրի խաղաղ կարգավորման ուղղությամբ Հայաստանի՝ եռանախագահող երկրների հետ միասին գործադրվող ջանքերը: Երկուստեք ընդգծվեց ԵԱՀԿ Միսնկի խմբի համանախագահների ջանքերի սատարման կարևորությունը:

Էդվարդ Նալբանդյանը և Իգոր Ցրնադակը ստորագրեցին համաձայնագիր «Հայաստանի Հանրապետության Կառավարության և Բոսնիա և Հերցեգովինայի Նախարարների խորհրդի միջև դիվանագիտական անձնագրեր կրողների համար մուտքի արտոնագրի պահանջի վերացման մասին»:

Նախարարների հանդիպմանը հետևեց համատեղ մամուլի ասուլիս։


Առնչվող նյութեր
1. Դեսպան Ղալաչյանն իր հավատարմագրերը հանձնեց Բոսնիա եւ Հերցեգովինայի նախագահության նախագահին

Մեկնաբանություն

Վերջին լուրեր
1.Գարեգին Բ- Նիկոլ Փաշինյան հանդիպում Մայր Աթոռում
2.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
3.Արման Նուռի անհատական մեծ ցուցահանդեսը Վենոզայում
4.Հայաստանի դպրոցներում կներդրվի Աշխարհատեղեկատվական համակարգը
5.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
6.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
7.Յուրի Վարդանյանի հուղարկավորությունը Կոմիտասի պանթեոնում
8.«Մենք սպասում ենք Հայաստանի Հանրապետության պատմության մեջ լավագույն ընտրություններին». Պյոտր Սվիտալսկին:
9.Չեխական «Դոմեստիկ» ֆիլմը կցուցադրվի Երեւանում
10.Ամենայն Հայոց Կաթողիկոսն ընդունեց Հայկական Բարեգործական Ընդհանուր Միության նախագահին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: