ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բելգրադում հիշատակեցին Հայաստանում զոհված սերբ օդաչուներին

14 դեկտեմբերի, 2016 | 09:19

ՍԵՐԲ-ՀԱՅԿԱԿԱՆ ԸՆԿԵՐՈՒԹՅԱՆ ԵՐԵԿՈ

ԲԵԼԳՐԱԴ.-Դեկտեմբերի 13-ին, ժամը 19.00-ին Բելգրադի քաղաքային գրադարանի արվեստի բաժնի ընթերցասրահում տեղի ունեցավ Սերբ-Հայկական երեկո՝ նվիրված 1988 թվականի դեկտեմբերի 8-ին երկրաշարժի աղետի հետևանքները վերացնելու նպատակով Հայաստան մեկնած  յոթ սերբ օդաչուներին, որոնք հումանիտար օգնություն տանելիս զոհվեցին Երևանի մոտակայքում:

serbiahay-4-2016-dec

Հյուրերին ողջույնի խոսքով դիմավորեց Սերբիայի Հայկական Միության նախագահ Սամվել Այվազյանը։ Նա նշեց,որ Հայաստանն ու Սերբիան ունեն ավանդական բարեկամական կապեր, եւ դեռևս վաղ  XIII դարում սերբ առաջին արքեպիսկոպոս Սուրբ Սավան,կանչելով հայ շինարարներին Սերբիա, կառուցել է միջնադարյան վանքեր:

Սերբիայի Հայկական Միությունը շարունակում է իր 30-ամյա  ավանդույթը, որն է՝  նպաստել  երկու երկրների միջև  բարեկամական հարաբերությունների հաստատումը: Միության անդամները հայերն են ու հայ ժողովրդի  շատ բարեկամներ: Միությունը ցանկանում է կամուրջ դառնալ երկու երկրների տարբեր հաստատությունների համագործակցության միջև և տարածել բարեկամություն ու բազմազգ մշակույթ:

Սերբ-Հայկական բարեկամության մասին խոսքով ելույթ ունեցավ սերբ բանաստեղծուհի Լյուբիցա Միլետիչը։ Նա նաև կարդաց հայ բանաստեղծներ Գագիկ Դավթյանի «Վեճ Հոբի հետ» և Դավիթ Հովհաննեսի «Խոսում է քարը» բանաստեղծությունների  իր սերբերեն թարգմանությունը, իսկ հայերեն բնագիրները կարդաց Անժելա Նեդելյկովիչը:

serbiahay-5-2016-decԶոհված օդաչուների հիշատակի, ինչպես նաև իր Հայաստանում եղած տպավորություւնների  մասին  խոսեց լրագրող Մարկո Ելիչը: Ծրագրի կազմակերպիչն էր Իրենա Այվազյանը, իսկ այն վարեց Ռոլանդ Այվազյանը:

Ծրագրի գեղարվեստական մասում հնչեցին  հայկական ավանդական «Քելե,լաո» և «Լիրիկական» երգերը( խոսք՝ Հովհ.Շիրազի,Երաժշտությունը՝  Վլ.Բալյանի) Թամարա Լուկովիչի կատարմամբ։  Դուշիցա Մոմչիլովիչը կատարեց  սերբական ազգագրական «Маријо,кћеро мори» երգը,«Тамо далеко»,«Ово је Србија» երգերը, իսկ  Անժելա Նեդելյկովիչը՝   «Հայաստան աշխարհ» ( խոսք՝Աշոտ Գրաշու,երաժշտությունը՝ Առնո Բաբաջանյանի)երգը։

Երեկոյի ընթացքում, հյուրերը  բացառիկ հնարավորություն ունեցան տեսնել Անամարիա Վարդապետյանի  ցուցահանդեսում ներկայացված աշխատանքները, որ ստեղծվել են Հայաստանի բնությամբ եւ մշակույթով ոգեշնչված: Ծրագրի վերջում նվերներ ստացան զոհված օդաչուների ընտանիքները և Հայկական Միության ակտիվ անդամները: Ցուցադրվեց  «Հայկական լավաշ» ֆիլմը:Վերջում  ներկաները նաեւ ճաշակեցին  հայկական լավաշ և ավանդական այլ խորտիկներ:

Միջոցառման  հովանավորներն էին Տեր եւ տիկին Սամվել Այվազյանը եւ Մարինե Մանուկյանը:

 

 Անժելա Նեդելյկովիչ

Բելգրադ

ՕՐԵՐ

serbiahay-2-2016-dec serbiahay-3-2016-dec serbiahay-6-2016-dec serbiahay-7-2016-dec serbiahay-8-2016-dec serbiahay-9-2016-dec serbahay-0-2016-dec


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
3. 52 տարի` օգտակար լինելու ցանկությամբ
4. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
5. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
6. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
7. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
8. Գանա – Հայաստան. հաստատվեցին դիվանագիտական հարաբերություններ
9. Կեղծիքներով ձևավորված եւ ժողովրդի իղձերին դեմ կանգնած «Ազգային Ժողովը» որքան շուտ պետք է լուծարվի:-Եվրոպայի Հայերի Համագումար
10. Հայը հային երբեք այսքան շատ չի սիրել. Նիկոլ Փաշինյանը Էջմիածնի 2703-ամյա տոնակատարությանը

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: