ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ԲԵԼԳԻԱ. «Ցեղասպանութիւն՝ Ցեղասպանութենէն ետք» ցուցահանդէսը

14 մարտի, 2016 | 09:21

brussel exb 2016Մարտ 4, 2016, Պրիւքսել.- Այսօր իր աւարտին հասաւ «Ցեղասպանութիւն՝ Ցեղասպանութենէն ետք» ցուցահանդէսը, որ մէկ շաբթուան համար ցուցադրուեցաւ Պրիւքսելի մէջ, Եւրոխորհրդարանէն ներս: Ցուցահանդէսը իրականացաւ եւրոերեսփոխան Նիքոլաոս Անտրուլաքիսի (ընկերվարականներու եւ ժողովրդավարներու խմբակցութիւն, Յունաստան) հովանի ներքոյ: Ցուցահանդէսը համակազմակերպուած էր Հայկական ճարտարապետութեան ուսումնասիրութեանց կեդրոնի եւ Եւրոպայի Հայ Դատի գրասենեակի կողմէ: 32 լուսանկարներ, նկարուած Արեւմտեան Հայաստանի մէջ՝ Հայկական ճարտարապետութեան ուսումնասիրութեանց կեդրոնի ղեկավար Սամուէլ Կարապետեանի եւ իր գործընկերներուն կողմէ, կը բացայայտեն հայկական եկեղեցիներու իրավիճակը 1915 թուականէն առաջ եւ ետք:

brussel 2 2016Ակնյայտ է հայկական յուշարձաններու, մշակույթային արժէքներու եւ ժառանգութեան համակարգուած ոչնչացումը ներկայիս Թուրքիոյ մէջ: Թուրքիան առ այսօր կը ժխտէ Հայոց Ցեղասպանութեան փաստը: Ցուցահանդէսի պաշտօնական բացումը տեղի ունեցաւ մարտ 1-ին, որուն ներկայ էին հարիւրէ աւելի հիւրեր, Եւրոխորհրդարանի երեսփոխաններ, աշխատակիցներ եւ օգնականներ, ինչպես նաեւ ՀՀ դեսպանութեան աշխատակիցները եւ Պելճիքայի մէջ հայ համայնքի եւ կազմակերպութիւններու ներկայացուցիչներ:

Պաշտօնական բացման ընթացքին խօսք առաւ Հեղինե Էվինյան, Եւրոպայի Հայ Դատի գրասենեակի Եւրոպական կառոյցներու հետ կապի պատասխանատու, որ նշեց, թէ «ցանկացած ժողովրդավարական, առողջ յառաջադէմ հասարակութեան համար պայման է անցեալին հետ հաշտուիլ արդար, բաց գործընթացով: նոյնիսկ՝ միակ ելքը»:

Heghine EvinyanԱպա՝ ցուցահանդէս հիւրընկալող եւրոերեսփոխան Նիքոլաոս Անտրուլաքիս, իր խօսքին մէջ ըսաւ, որ դար մը առաջ Օսմանեան կայսրութեան փլուզման տարիներուն հայեր եւ յոյներ ցեղասպանութեան ենթարկուեցան, եւ պայման է, որ Թուրքիան առերեսուի իր անցեալին հետ: Նշենք, որ եւրոերեսփոխան Անտրուլաքիս 2015 Ապրիլ 24-ին Հայաստան կը գտնուէր՝ ներկայ գտնուելու համար Ցեղասպանութեան հարիւրամեակին նուիրուած միջոցառումներուն: Եւրոերեսփոխան Էլէնի Թէոխարուս, Եւրոխորհրդարանէն ներս Հայաստան – Եւրոմիութիւն բարեկամութեան խումբի նախագահ, զուգահեռ մը քաշեց Թուրքիոյ կողմէ հայկական մշակութային եւ կրօնական ժառանգութեան, եւ Թուրքիոյ կողմէ բռնագրաւուած հիւսիսիսային Կիպրոսի մէջ տեղի ունեցող յունական մշակոյթի ոչնչացման: Նշենք, որ տիկին Թէոխարուս, Կիպրոսի կրօնական եւ մշակութային կոթողներու բնաջնջման շուրջ, երեք տարի առաջ նման ցուցահանդէս մը կազմակերպած էր:

brussel exb 32016Մովսէս Հրայր Տէր Գէորգեան, Հայկական ճարտարապետութեան ուսումնասիրութեան կեդրոնի ներկայացուցիչ, իր խօսքին մէջ նշեց, որ այս լուսանկարները հսկայական եւ տասնամեակներու վրայ երկարող աշխատանքի արդիւնքն են. Ան կարեւորեց այն փաստը, որ մինչ Թուրքիա կ’աւերէր հայկական մշակութային ժառանգութիւնը, միաժամանակ կը ստորագրէր միջազգային համաձայնագրեր՝ պատերազմը ընթացքի պահպանելու մշակութային ժառանգը, փոքրամասնութիւններու պատկանող կոթողները: Տէր Գէորգեան նաեւ նշեց, որ Հայկական Ցեղասպանութիւնը չաւարտեցաւ 1915-ին, այլ կը շարունակուի մինչեւ օրս: Հայաստանի հանրապետութեան դեսպանատան ներկայացուցիչ, խորհրդատու Արման Իսրայէլեան նշեց, որ այս ցուցահանդէսին նպատակն է եւրոպական շրջանակներուն ուշադրութիւնը դարձնելու հայկական մշակութային կոթողներուն եւ ժառանգութեան ոչնչացման փաստին վրայ, որոնք միայն հայութեան եւ քրիստոնէութեան չեն պատկանիր, այլ համայն մարդկութեան:

brussel exb5Իր կարգին, Գասպար Կարապետեան, Եւրոպայի Հայ Դատի յանձնախումբի նախագահը իր եւ յանձնախումբին շնորհակալութիւնները յայտնեց կազմակերպիչներուն եւ հովանաւոր եւրոերեսփոխան Անտրուլաքիսին, կարեւորեց այն փաստը, թէ այս ցուցահանդէսը առաջին անգամ ըլլալով դուրս եկաւ Հայաստանի եւ Արցախի սահմաններէն, հասաւ Եւրոպական Միութեան խորհրդարան, եւ պիտի շարունակէ շրջագայիլ եւրոպական այլ երկիրներու մէջ, 2016 թուականին ընթացքին: Գասպար Կարապետեան նաեւ յիշեցուց, որ Եւրոխորհրդարանի մէջ ցուցահանդէսի բացումէն օրեր միայն առաջ՝ Հայկական ճարտարապետութեան ուսումնասիրութեան կեդրոնի ղեկավար Սամուէլ Կարապետեան պարգեւատրուեցաւ ՀՀ նախագահ Սերժ Սարգսեանի կողմէ «Հայկեան 2015» պարգեւով:

«Ցեղասպանութիւն Ցեղասպանութենէն ետք» ծրագիրը իրականացուած է «Հոգու պարտք» հասարակական կազմակերպութեան կողմէ՝ ՀՀ նախագահի ՀԵՀ դրամական նպաստի շնորհիւ:

Եւրոպայի Հայ Դատի յանձնախումբ


Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: