ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
20 օգոստոսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բելգիացի պատգամավորների նամակը Բելգիայի Արտաքին գործերի նախարարին

14 մայիսի, 2018 | 00:53

Բելգիացի պատգամավորների նամակը Բելգիայի Արտաքին գործերի նախարարին․ “Ադրբեջանը պետք է դադարեցնի քաղաքական հետապնդումը Գասպար Կարապետեանի նկատմամբ”

Արտաքին Գործերի Նախարար
Պրն. Դիդիե Ռեյնդերսին

Հարգելի պարոն Նախարար՝

Սույն նամակով ցանկանում ենք Ձեր ուշադրությունը հրավիրել ՀՅԴ Եվրոպայի հայ դատի գրասենյակի (Բելգիական հասարակական կազմակերպության) նախագահ Գասպար Կարապետյանի դեմ Ադրբեջանի հանրապետության՝ Ինտերպոլին ներկայացրած ձերբակալման միջազգային արտոնագրի վրա։ Նման արտոնագիրը անընդունելի է և ունի չարաշահող բնույթ։  Ձերբակալման միջազգային արտոնագրի հիմքում ընկած է Գասպար Կարապետեանի Լեռնային Ղարաբաղի/Արցախի Հանրապետության տարածք պարբերաբար այցելելը։

ՀՅԴ Եվրոպայի հայ դատի գրասենյակը Բրյւոսելում գործոզ հասարակական կազմակերպություն է, որը քաղաքացիական ակտիվիզմի ճանապարհով փորձում է հանրության իրազեկությունը բարձրացնել Լեռնայի Ղարաբաղի վերաբերյալ և աշխատանք է տանում Լեռնային Ղարաբաղի բնակչությանը պարտադրված աշխարհաքաղաքական մեկուսացման վերացման ուղղությամբ։ Պարոն Կարապետեանի մշտական այցելությունները պայմանավորված են վերընշված նպատակների իրականացմամբ։

Պարոն Նախարար՝
Ինչպես ձեզ հայտնի է, միջազգային իրավունքում գոյություն չունի և ոչ մի նորմ, որն արգելում է Բելգիայի կամ Եվրոպական որևէ այլ երկրի քաղաքացուն այցելել Լեռնային Ղարաբաղ։ Նման այցելությունները խիստ կարևոր են հակամարտության խաղաղ կարգավորման համար, ինչը խնդրի հանգուցալուծման միակ ընդունելլի տարբերակն է։

Ցավում ենք, որ Ադրբեջանի իշխանությունները օգտագործում են սպառնալիքներ՝  փորձելով քրեականացնել Լեռնային Ղարաբաղ այցելությունները և ստեղծելով անցանկալի անձանց սև ցուցակներ։ Մենք համոզված ենք, որ Ինտերպոլին ներկայացված ձերբակալման միջազգային արտոնագիրը պրն. Կարապետյանի դեմ ունի բացահայտ զրպարտող բնույթ և որը ոչ այլ ինչ է, քան քաղաքական հալածանք։ Սա ցավալի փաստ է և հակասում է մեր արժեքներին։

Պարոն Նախարար՝
Ադրբեջանը մի երկիր է, որի հետ Բելգիան ունի դիվանագիտական հարաբերություններ։ Լինելով  Բելգիայի Արտաքին Գործերի նախարար՝ դուք աշխատում եք նաև Ադրբեջանցի ձեր գործընկերոջ հետ։ Այս առումով մենք կարևոր ենք համարում ձեզ տեղյակ պահել վերը նշվածի մասին, որպեսզի հետագայում դուք կարողանաք համապասխան ձևով գործել։

Ընդունեք, պարոն Նախարար, մեր հարգանքների հավաստիքը,

Դավիդ Կլարենվալ
Ժորժ Դալեման
Էլս Վան Հոֆ

(Թարգմանվել է հայերեն ՀՅԴ Եվրոպայի Հայ Դատի գրասենյակի կողմից)

Սկզբնաղբյուրը անգլերեն և ֆրանսերեն այստեղ ՝ : http://www.eafjd.eu/lettertoreynders.html


Առնչվող նյութեր
1. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում
2. Վարչապետը Բրյուսելի հայկական եկեղեցիում հանդիպել է բելգիահայ համայնքի ներկայացուցիչներին
3. Հայաստանը պատրաստ է կամրջել ԵԱՏՄ և ԵՄ շահերն ու դիրքորոշումները, որքանով այն ընդունելի է երկու կողմերի համար».վարչապետ Փաշինյանը
4. Նիկոլ Փաշինյանն ու Էմանուել Մակրոնը քննարկել են Երեւանում կայանալիք Ֆրանկոֆոնիայի գագաթնաժողովի հետ կապված հարցերը
5. Նիկոլ Փաշինյանը մեկնում է Բելգիա
6. ԳԴՀ ԱՐՏԳՈՐԾՆԱԽԱՐԱՐԸ ՃԻՇՏ Էՙ ԱԴՐԲԵՋԱՆԻՆ ԶԻՆԱԹԱՓԵԼԸ ՄԵՐ ԳՈՅՈՒԹՅԱՆ ԽՆԴԻՐՆ Է
7. Բողոքի հսկում Պրահայում՝ ընդդեմ Ադրբեջանին ,,Չեխոսլովակ գրուպի,, զենքի վաճառքի
8. Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները
9. Զոհրաբ Մնացականյանը Բելգիայում հանդիպել է ՀԲԸՄ Եվրոպայի եւ ՀՅԴ Եվրոպայի Հայ դատի գրասենյակների ղեկավարների հետ
10. Սումգայիթյան ջարդերին նվիրված ցուցահանդես Կլայպեդայում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: