ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Բաքուն օգտվում է ժխտողական քաղաքականության մեջ բազմափորձ Թուրքիայից.-Էդ. Նալբանդյան

28 փետրվարի, 2018 | 06:46

ԱԳ նախարար Էդվարդ Նալբանդյանի պատասխանը Tert.am լրատվական կայքի հարցին

Հարց. Բաքուն և Անկարան, միջազգային տարբեր հարթակներ օգտագործելով, շարունակում են իրենց քարոզչական արշավը` օգտագործելով այսպես կոչված Խոջալուի դեպքերը։ Ինչպե՞ս կմեկնաբանեք։

Պատասխան. Հավանաբար մեկ ժողովուրդ երկու պետություն կարգախոսը դրսևորվում է որպես մեկ քարոզչություն, երկու խոսափող։

Խոջալուն օգտագործվում է որպես քարոզչական հնարք, որը հետապնդում է մի քանի նպատակներ։

Առաջին, ակնհայտ է, որ Անկարան ու Բաքուն հանդես են գալիս Հայոց ցեղասպանության միջազգային ճանաչման դեմ։ Հայերի կողմից իրականացված բռնությունների մասին շինծու մեղադրանքներ տարածելով` փորձում են արդարացնել հարյուր տարի շարունակվող իրենց ժխտողական քաղաքականությունը, տարածվող կեղծիքը, թե իբր հայերը ոչ թե զոհն են, այլ` ոճրագործը, ոչ թե կոտորվել են` այլ իրենք են կոտորել և այլ նման զազրելի ստեր։ Անկարան անգամ հասել էր նրան, որ հայ-թուրքական սահմանին հուշարձան էր կառուցել որպես խորհրդանիշ հայերի ձեռքով թուրքերի նկատմամաբ իրականացված կոտորածների, ինչն իր ցինիզմով ցնցել էր միջազգային հանրությանը։

Երկրորդ, աշխարհի տարբեր մասերում այս օրերին ոգեկոչվում է սումգայիթյան ջարդերի 30-րդ տարելիցը և այդ հանցագործության զոհ դարձած հայերի հիշատակը։ Այս առումով Բաքվի և Անկարայի ամպագոռգոռ համատեղ քայլերի նպատակը ստվերելն է այդ տարելիցի ոգեկոչմանը նվիրված միջոցառումների միջազգային հնչեղությունը։

Բաքուն օգտվում է ժխտողական քաղաքականության մեջ բազմափորձ Թուրքիայից, որպես ուղեցույց վերցնելով 2015թ.-ի ապրիլի 24-ին Գալիպոլիի միջոցառումների կազմակերպման թուրքական փորձը, որն ուղղված էր Հայոց ցեղասպանության հարյուրերորդ տարելիցի ոգեկոչումից միջազգային ուշադրությունը շեղելուն։

Երրորդ, Բաքուն, հետևելով Անկարայի օրինակին, իր հերթին փորձում է ընդունել զոհի կերպար, թե իբր իր ժողովրդի նկատմամբ կիրառվել է բռնություն, հալածանք, այսինքն ինքը տուժող կողմն է։ Այս ռազմավարությունը Բաքվի կարծիքով իրեն դիվիդենտներ կարող է բերել։

Չորրորդ, Ադրբեջանը փորձում է ուշադրությունը շեղել և պատասխանատվությունից խուսափել իր կողմից իրականացված հայերի կոտորածներից` ոչ միայն Սումգայիթում, այլ նաև Բաքվում, Կիրովաբադում, Մարաղայում և այլուր։

Հինգերորդ, Ադրբեջանի իշխանությունները նպատակաուղղված հակահայկական քարոզչություն են իրականացնում, ռադիկալացնում են իրենց հասարակությանը, փորձելով այն միավորել այսպես կոչված թշնամու դեմ պայքարում։ Այս մասին բազմիցս են վկայակոչել միջազգային հեղինակավոր կազմակերպությունները։ Մեկ կողմից սա միջոց է Ադրբեջանի հասարակությանը ներքին հարցերից շեղելու համար, մյուս կողմից` հակամարտության գոտում հայկական կողմերի դեմ որպես քարոզչական զենք օգտագործելու, բանակին ռազմատենչություն ոգեշնչելու համար, իսկ իրականում` հանցագործությունների դրդելու։ Սա հատկապես վառ արտահայտվեց 2016թ. ապրիլին, երբ մարդասիրական իրավունքի կոպտագույն խախտումներ տեղի ունեցան խաղաղ բնակիչների և գերեվարված զինվորների նկատմամբ։

Բաքուն միլիոններ է ծախսում այս բազմաշերտ քարոզչության նպատակով, բայց նույնիսկ այդ բազմաթիվ շերտերի տակ էլ հնարավոր չէ թաքցնել իրականությունը։
Նույնիսկ Խոջալու անունը, որը տրվել է քարոզչական այս ալիքին, չի համապատասխանում իրականությանը, քանի որ Խոջալուի բնակիչները, օգտվելով մարդասիրական միջանցքից, հեռացան բնակավայրից մի քանի կիլոմետրերի հեռավորությամբ ադրբեջանական զինված խմբավորումների վերահսկողության տակ գտնվող Աղդամի շրջան, որտեղ և սպանվեցին։ Այս ամենն ապացուցված է հենց ադրբեջանական սկզբնաղբյուրներով, Խոջալուի վերապրածների, անկախ ականատեսների, լրագրողների վկայություններով։ Ներառյալ այն ժամանակվա Ադրբեջանի նախագահը Խոջալուի բնակիչների զոհվելու մեջ մեղադրում էր ոչ թե հայկական, այլ ադրբեջանական զինված խմբավորումներին իշխանության համար մղվող ներքին պայքարի համատեքստում։

Ադրբեջանի փորձերը խուսափել պատասխանատվությունից ապարդյուն են, ուշ թե շուտ նրանք պատասխանատվություն են կրելու։


Առնչվող նյութեր
1. Վահրամ Կաժոյան. Ադրբեջանը պարբերաբար կոպտորեն խախտում է Բանդունգյան սկզբունքները
2. Հայաստանի և Ադրբեջանի արտաքին գործերի նախարարների հանդիպումը
3. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում
4. ԳԴՀ ԱՐՏԳՈՐԾՆԱԽԱՐԱՐԸ ՃԻՇՏ Էՙ ԱԴՐԲԵՋԱՆԻՆ ԶԻՆԱԹԱՓԵԼԸ ՄԵՐ ԳՈՅՈՒԹՅԱՆ ԽՆԴԻՐՆ Է
5. Բողոքի հսկում Պրահայում՝ ընդդեմ Ադրբեջանին ,,Չեխոսլովակ գրուպի,, զենքի վաճառքի
6. Ինչպե՞ս է չեխական զենքը հայտնվել Ադրբեջանում. բացահայտում են չեխ լրագրողները
7. Սումգայիթյան ջարդերին նվիրված ցուցահանդես Կլայպեդայում
8. Բելգիացի պատգամավորների նամակը Բելգիայի Արտաքին գործերի նախարարին
9. Լեռնային Ղարաբաղ այցելելը հանցագործություն չէ. ահազանգում են բելգիացի պատգամավորները
10. Զենքի վաճառքի մասին Չեխական հեռուստատեսության ռեպորտաժը մեծ արձագանք է գտել սլովակյան մամուլում

Մեկնաբանություն

Վերջին լուրեր
1.«Բուկինիստ» գրախանութում տեղի ունեցավ Ալիսա Գանիևայի «Խոցված զգացմունքներ» վեպի շնորհանդեսը
2.Մտորումներ Լատվիայի անկախության 100-ամյակի առթիվ
3.Մեր ժամանակի ամենամեծ վտանգը համարում եմ գերտերությունների մոլագար մրցակցությունը՝ աշխարհի վերաբաժանման համար. Աստղիկ Մելիքբեկյան
4.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
5.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
6.Եվրամիությունը աջակցում է «Հայաստանում ընտրական գործընթացների աջակցություն» ծրագրին
7.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
8.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
9.Գարեգին Բ- Նիկոլ Փաշինյան հանդիպում Մայր Աթոռում
10.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: