ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
17 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Նիկոլ Փաշինյանի կոչը նպաստեց Ստեփանակերտի բողոքի ակցիայի խաղաղ հանգուցալուծմանը

04 հունիսի, 2018 | 19:24

Քիչ առաջ Ստեփանակերտում ավարտվել է հունիսի 2-ին կենտրոնական՝ Ազատամարտիկների փողոցում մեկնարկած բողոքի ակցիան:

ՀՀ վարչապետ Նիկոլ Փաշինյանն այսօր իր ֆեյսբուքյան էջում ուղիղ եթերում անդրադարձավօրեր առաջ Արցախում տեղի ունեցած ծեծկռտուքին:

«Որևէ կասկած չկա, ուժային կառույցների ներկայացուցիչների պահվածքըմտահոգություններ է առաջացնում: Եթե չասենք դատապարտելի, ապա ընդհանուր առմամբանընդունելի է ներհայաստանյան հարցերը բռնությամբ լուծելու ցանկացած փորձ, անկախնրանից՝ ո՞ւմ կողմից է կիրառվում»,- ասաց Նիկոլ ՓԱշինյանը շեշտելով, որ ստեղծվածիրավիճակը կոնկրետ լուծումներ պետք է ստանա, ինչպես նաև պետք է դառնահամապատասխան հետևությունների ու եզրահանգումների առիթ:

«Ես ուշի ուշով հետևում եմ Արցախում ծավալվող իրադարձություններին, մշտական կապիմեջ եմ եղել Արցախի նախագահ Բակո Սահակյանի հետ և գոհունակությամբ եմարձանագրում, որ Արցախի նախագահը մի քանի անգամ հանդիպումներ է ունեցել ցուցարարների ներկայացուցիչների հետ, լսել նրանց պահանջները և դրանցմտահոգությունների վերաբերյալ ձեռք են բերվել կոնկրետ պայմանավորվածություններ: Արցախի նախագահը նաև ասել է, որ պատրաստ է ի կատար ածել այդպայմանավորվածությունները և ամբողջական քննություն իրականացնել»:

Ըստ Փաշինյանի՝ այժմ գործընթացը հասել է մի փուլի, երբ մեր հայրենակիցները՝ցուցարարները, պետք է Արցախի նախագահին հնարավորություն տան իրականացնելուձեռք բերված պայմանավորվածությունները:

«Կարծում եմ, որ այդ պայմանավորվածությունները պետք է իրականացվեն հանդարտ, ոչնյարդային վիճակում»,-ասաց նա: Նաև հավելեց, որ եթե ի կատար չածվենպայմանավորվածությունները, եթե համարժեք հետևություններ չարվեն, ապա բողոքիգործողությունները կարող են շարունակվել:

«Ըստ էության՝ ցույցն իր նպատակին հասել է, և կարծում եմ, որ հիմա գնդակը Արցախիիշխանությունների դաշտում է, հիմա ճիշտ կլինի, որ հարգելի ցուցարարները գնդակըթողնեն իշխանությունների դաշտում, և եթե իրավիճակը չհանգուցալուծվիպայմանավորվածությունների շրջանակում, այդ դեպքում ցուցարարները կարող են այն հետբերել նորից իրենց դաշտ»:

Եզրափակելով իր խոսքը, ՀՀ վարչապետը հայտարարեց՝ իր եղբայրական կոչը, խնդրանքն է, որպեսզի բողոքի գործողություններն Արցախում դադարեցվեն կամ գոնե կասեցվեն:

Նիկոլ Փաշինյանի կոչը նպաստեց բողոքի ակցիայի խաղաղ հանգուցալուծմանը

ՍՏԵՓԱՆԱԿԵՐՏ, հունիսի 4, ԱՐՑԱԽՊՐԵՍ: ‹‹Արցախպրես››-ի թղթակցի հաղորդմամբ՝ ակցիայի մասնակիցների հետ հերթական անգամ հանդիպելու էին եկել ԱՀ պետական նախարար Արայիկ Հարությունյանը, Ազգային ժողովի մի խումբ պատգամավորներ, ովքեր ներկայացրել են ստեղծված իրավիճակի առիթով այսօր Խորհրդարանում տեղի ունեցած արտահերթ նիստի ժամանակ քննարկված հարցերի մանրամասները, ինչպես նաև Հանրապետության Նախագահի մոտ հրավիրված կառավարության ընդլայնված նիստի արդյունքները:

ԱՀ պետական նախարարը նախ հանդիպել է նախաձեռնող խմբի հետ, որի ընթացքում ձեռք բերված պայմանավորվածությունները ներկայացվել են փողոցում հավաքված ցուցարարներին:

Ա. Հարությունյանը ողջունել է ներկաներին՝ շնորհակալություն հայտնելով բոլորին, ովքեր բարձրաձայնեցին հանրային հրատապություն ունեցող խնդիրների մասին:

 ‹‹Դուք նոր էջ եք բացել Արցախի պատմության մեջ: Առաջին անգամ անկախ Արցախում սկսվել է շարժում, որը ծագել է ինքնաբուխ՝ ունենալով հստակ օրակարգ: Այսօր կայացած կառավարության նիստում քննարկվել է ձեր կողմից բարձրացված պահանջները, Հանրապետության Նախագահի կողմից տրվել են համապատասխան հանձնարարականներ և արվել դիտողություններ: Քննարկվել է ոչ միայն, այլև ողջ համակարգում կադրային և կառուցվածքային ձևաչափերում փոփոխություններն ամենասեղմ ժամկետներում իրագործելու խնդիրը: Ստեղծվելու է հանրային խորհուրդ, որտեղ ընդգրկվելու են նաև ակցիան նախաձեռնած մի խումբ անդամներ, ովքեր հանրային վերահսկողություն են իրականացնելու նախատեսվող բարեփոխումները կյանքի կոչելու համար››,- ասել է Ա. Հարությունյանը:

 Պետական նախարարը ակցիայի մասնակիցներին է ներկայացրել նաև ՀՀ վարչապետ Նիկոլ Փաշինյանի՝ այսօր հնչեցրած կոչը, որտեղ վերջինս փողոց դուրս եկած մարդկանց հորդորել է հնարավորություն տալ իշխանություններին՝ իրագործելու խոստացված բարեփոխումները:

Նախաձեռնող խմբի անդամներն ընդառաջել են պետնախարարի կոչին և խոստացել դադարեցնել բողոքի ակցիան: Շարժման առաջնորդ Դավիթ Սիմոնյանը շնորհակալություն է հայտնել ժողովրդին՝ վստահելու և աջակցելու համար:

‹‹Շնորհակալություն ենք հայտնում Արցախի իշխանություններին՝ ի դեմս Նախագահ Բակո Սահակյանի և պետնախարար Արայիկ Հարությունյանի, մեզ ընդառաջելու և մեր պահանջներին արձագանքելու համար, ինչպես նաև ողջունում ենք ՀՀ վարչապետ Նիկոլ Փաշինյանի կոչը՝ կապված Արցախում տեղի ունեցող իրադարձությունների հետ: Սա Արցախի ժողովրդի հաղթանակն է››,- եզրափակել է Դ. Սիմոնյանը՝ ակցիայի մասնակիցներին տուն վերադառնալու կոչ անելով՝ խոստանալով, որ նրանք կլինեն հետևողական՝ այս օրերի ընթացքում հանրության կողմից բարձրացված հարցերին լուծում տալու գործում:

 


Առնչվող նյութեր
1. Նիկոլ Փաշինյանը հանդիպել է Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հետ
2. Ձեր վստահության քվեն բացառիկ պարտավորեցնող է. Նիկոլ Փաշինյան
3. ՀԲԸՄ-ն շնորհավորում է Նիկոլ Փաշինյանին և Հայաստանի նոր խորհրդարանին
4. Նիկոլ Փաշինյանը ներկա է գտնվել «Սպիտակի երկրաշարժ» թեմային նվիրված նամականիշի մարման արարողությանը
5. Հայաստանի և Ադրբեջանի ԱԳ նախարարների հանդիպումը
6. «Լեռնային Ղարաբաղ. Կովկասի սև այգին» .Ֆրանսիական “GEO” ամսագրում լույս տեսավ Արցախին նվիրված հոդվածաշար
7. Գավառում վերաբացվեց Լևոն Քալանթարի անվան դրամատիկական թատրոնը
8. Գարեգին Բ- Նիկոլ Փաշինյան հանդիպում Մայր Աթոռում
9. «Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
10. Նիկոլ Փաշինյանը Փարիզում մասնակցել է Առաջին աշխարհամարտում կնքված զինադադարի 100-ամյակին նվիրված արարողությանը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: