ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Արտակ Զաքարյանն Իսպանիայի Սենատի իր գործընկերներին հորդորել է չտրվել ԼՂ հարցի շուրջ ադրբեջանական շահարկումներին

20 նոյեմբերի, 2012 | 18:47

  Երեւան.- Հայաստանի Ազքային Ժողովի արտաքին հարաբերությունների  մշտական հանձնաժողովի նախագահ Արտակ Զաքարյանը նամակ է ուղղել Իսպանիայի Սենատի արտաքին հարաբերությունների  մշտական հանձնաժողովի նախագահ Մունիոս Ալոնսո Լեդոյին: 

Ինչպես հայտնում են ՀՀ ԱԺ մամուլի եւ տեղեկատվության  միջոցների հետ կապերի վարչությունից, նամակում ասվում է. 

«Հարգելի պրն. Մունիոս Ալոնսո Լեդո, համաձայն ադրբեջանական լրատվամիջոցների, ադրբեջանական կողմի նախաձեռնությամբ սույն թվականի նոյեմբերի 22-ին Իսպանիայի Սենատը լսումներ է անցկացնելու «Հայաստանի ռազմական ագրեսիան ընդդեմ Ադրբեջանի» թեմայով: Ավելի ուշ պարզեցինք, որ Սենատում ադրբեջանական կողմի նախաձեռնությամբ անցկացվելու է սեմինար` «Ադրբեջանը Եվրոպայում» խորագրով:

Հարգելի գործընկեր, կցանկանայի Ձեր ուշադրությունը հրավիրել այն փաստի վրա, որ Ադրբեջանը, օգտագործելով տարբեր առիթներ, խորհրդարանական հարթակներում փորձում է շահարկել Լեռնային Ղարաբաղին առնչվող հարցեր, որոնք, ինչպես իրականությունն է ցույց տալիս, միշտ էլ բացասաբար են անդրադարձել հակամարտության խաղաղ կարգավորման գործընթացի վրա:

Կան բազմաթիվ փաստեր և հրապարակված նյութեր, որոնք ապացուցում են Ադրբեջանի կողմից ապատեղեկատվության տարածումը` փորձելով մոլորեցնել մեր խորհրդարանական գործընկերներին և միջազգային հանրությանը:

Եվրանեսթի ԽՎ-ի Ադրբեջանի պատվիրակությունը շատ անգամներ, օգտագործելով վեհաժողովի հարթակը, փորձել է բարձրացնել այս հարցերը: Այդ փորձերը մշտապես կասեցվել են Եվրոպական Խորհրդարանի անդամների կողմից, ովքեր քաջատեղյակ են, որ հակամարտության խաղաղ կարգավորման շուրջ բանակցությունները անցկացվում են միջազգայնորեն լիազորված ԵԱՀԿ Մինսկի խմբի կողմից: Սա միջազգային հանրության և միջազգային կազմակերպությունների կողմից ճանաչված միակ ձևաչափն է:    

Հարգելի գործընկեր, ցանկանում եմ կարևորել այն հանգամանքը, որ Իսպանիայի Սենատում սպասվող առաջիկա սեմինար-քննարկումների ընթացքում մեր իսպանացի գործընկերներն ի նկատի ունենան, որ ադրբեջանցիներն այդ քննարկումները ևս օգտագործելու են շահարկումների համար, ավելացնելով անկայունության և ռազմական գործողություններ վերսկսելու սպառնալիքները` դրանով վտանգելով անվտանգությունը ողջ տարածաշրջանում: Ես հուսով եմ, որ Իսպանիայի Սենատի մեր հարգարժան գործընկերները, ովքեր մասնակցելու են քննարկումներին, հաշվի կառնեն վերոնշյալ պատճառները, որպեսզի թույլ չտան ադրբեջանցի պատգամավորներին տարածել ոչ ճշգրիտ տեղեկատվություն, կեղծել ու աղավաղել հակամարտության էությունն ու կարգավորման ընթացքը և այս ճանապարհով փորձեն քաղաքական դիվիդենտներ քաղել:

Միաժամանակ ցանկանում եմ հրավիրել Ձեզ և Սենատի արտաքին հարաբերությունների հանձնաժողովի անդամներին այցելել Հայաստանի Հանրապետություն ձեզ հարմար ժամանակ: Խորապես համոզված եմ, որ Ձեր այցը կնպաստի մեր հանձնաժողովների միջև համագործակցության կայացմանն ու հարաբերությունների զարգացմանը»:


Առնչվող նյութեր
1. Հայաստանի դպրոցներում կներդրվի Աշխարհատեղեկատվական համակարգը
2. ԱՆՇԱՐԺ ԳՈՒՅՔԻ ԳՆԵՐԸ ԲԱՐՁՐԱՆՈՒ՞Մ ԵՆ
3. 52 տարի` օգտակար լինելու ցանկությամբ
4. Արցախն ունի անկախ եւ ճանաչված պետություն լինելու բոլոր հատկանիշները. Յարոմիր Շտետինա
5. Հայկ Մարությանի ուղերձը՝ «Էրեբունի-Երևանի» հիմնադրման 2800-ամյակի առթիվ
6. ՄԻՋԱԶԳԱՅԻՆ ԵՐԻՏԱՍԱՐԴԱԿԱՆ ՓՈՐՁԻ ՓՈԽԱՆԱԿՄԱՆ ԾՐԱԳԻՐ ՀԱՅԱՍՏԱՆՈՒՄ
7. Այս փուլում և՛ կառավարությունը, և՛ բոլոր պետական մարմինները պետք է անխափան գործեն. Նիկոլ Փաշինյանը և Արմեն Սարգսյանը քննարկել են ներհայաստանյան քաղաքական իրավիճակը
8. Դեկտեմբերի արտահերթ ընտրություններում քվերակությունը կատարվելու է առանց գրիչի. Նիկոլ Փաշինյան
9. Գանա – Հայաստան. հաստատվեցին դիվանագիտական հարաբերություններ
10. Կեղծիքներով ձևավորված եւ ժողովրդի իղձերին դեմ կանգնած «Ազգային Ժողովը» որքան շուտ պետք է լուծարվի:-Եվրոպայի Հայերի Համագումար

Մեկնաբանություն

Վերջին լուրեր
1.Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին
2.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
3.Եվրամիությունը աջակցում է «Հայաստանում ընտրական գործընթացների աջակցություն» ծրագրին
4.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
5.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
6.Գարեգին Բ- Նիկոլ Փաշինյան հանդիպում Մայր Աթոռում
7.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
8.Արման Նուռի անհատական մեծ ցուցահանդեսը Վենոզայում
9.Հայաստանի դպրոցներում կներդրվի Աշխարհատեղեկատվական համակարգը
10.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: