ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Արչի Գալենցը սեփական անցյալով եւ նոր կոչով փորձում է միավորել ներկա արվեստագետներին. “Ժամանակացույց. Խուսափելով աղետից” ցուցահանդեսը Երեւանում

08 հուլիսի, 2017 | 11:50

Գինի է, թե՞ հյութ, ջուր է, թե՞ օղի, գուշակեք՝ վճարելով 50 դրամ, եւ կմտնեք ցուցհանդես։ Երեւանի ժամանակակից արվեստի թանգարանի մոտ բեռլինաբնակ հայտնի արվեստագետ Արչի Գալենցը այսպես էր դիմավորում իր հյուրերին՝ “Ժամանակացույց. Խուսափելով աղետից” ցուցահանդեսի մուտքը նույնպես դարձնելով տեսողական ինստալացիայի մաս։ Ներսում արդեն մի այլ Արչի էր դիմավորում՝ մեծադիր լուսանկարի տեսքով եւ արտիստիկ դեմքով։ Այստեղ վերջին 13  տարիներին եվրոպական ու հայկական մամուլում նրա հրապարակումներեն են, տարբեր տարիների լուսանկարները, թե անձնական իրերը, թե տարբեր տարիների գործերը։ Ամենատպավորիչը դրոշներից պատրաստված նոր շարքն է, որ միանգամից փոխում է ցուցասրահի մթնոլորտն ու ընկալումը։ Անցյալից միանգամից վերադառնում ես ներկա։

,,Այս ցուցահանդեսը շատ կարեւոր է ինձ համար, քանի որ այն անցկացվում է  Ժամանակակից արվեստի թանգարանում, որը 1972 թվականին բացվեց եւ առաջին անկախ ժամանակակից արվեստի թանգարանն էր Խորհրդային Միությունում,,- ասում է  մեզ հետ զրույցում Արչի Գալենցը։ – Անշուշտ ԽՍՀՄ փլուզումից հետո եւ Հայաստանի անկախության տարիներին շատ բան փոխվեց այս ճանապարհին, բայց ի վերջո սա այն թանգարանն է, որի հավաքածուն ամփոփում է նաեւ մեր մեծերի՝ Հակոբ Հակոբյանի, Գառուզիի, Մինասի, իմ պապիկի՝ Հարություն Կալենցի  եւ այլոց գործերը։ Միաժամանակ ես փորձեցի այս ցուցահանդեսն իբրեւ հաշվետվություն չներկայացնել, որովհետեւ առայժմ դժվար է հայացք նետել քո անցյալին, քանի որ շատ ակտիվ ստեղծագործական ընթացքի մեջ եմ։ Անցյալ ամիս ցուցահանդես ունեցա Բեռլինում, հիմա՝ Երեւանում,  օգոստոսի 8ին եւս մեկ ցուցահանդես կունենամ Բեռլինոմ,,- ասաց Արչին։

Ի՞նչ է ցանկացել ասել արվեստագետը իրարից տարբեր գործերով եւ ինստալացիաներով,, հարցիս պատասքանում է. ,, Այս աշխատանքներով ոչ միայն ես փնտում եմ ինքս ինձ, այլեւ այդ աշխատանքների կառուցման ճանապարհները։ Արվեստագետի շրջապատում տարածք է պետք, որ նա ազատ շնչի։ Այս ծածանվող դրոշներով գործերը կոչ են երեւանցի արվեստագետներին, որպեսզի նրանք միանան աշնանը Բեռլինում իմ կողմից հռչակվող ընկերակցությանը, որը երկարատեւ ծրագրեր է իրականացնելու, այդ թվում ուսումնասիրելու է ժամանակակից հայ կերպարվեստը, թե ինչպես է այն արտերկրում ներկայացվելու, եւ հանդես գալու առողջ քննադատությամբ եւ առաջարկներով։ Այս ամենը  ոչ Հայաստանի կառավարության կողմից է արվում, ոչ էլ սփյուռքի։ Միշտ ցրված նախաձեռնություններ են լինում։ Համակարգված աշխատանքի մեծ կարիք կա։ Դրա համար էլ ,,Ժամանակացույց. Խուսափելով աղետից, դրան է գնում ներկայանելով այն տեղի ունեցած իրողությունները, որ մեզ  ե՛ւ նշաններ են տալիս, ե՛ւ  աղետներ։ Հետեւաբար պետք է համախմբել արվեստագետներին  եւ միասին աշխատել,,։

Ցուցադրված են նաեւ հագուստներ, կենցաղային հին առարկաներ։

,,Առանց սեփական պատմության, դու չես կարող փաստարկներ անել, հետեւաբար ընկերակցությունը պետք է լուրջ աշխատանք տանի սեփական փորձից ելնելով։ Այսօր միայն գաղափարախոսությունը չի գործում։ Ինձ համար շատ  ավելի կարեւոր է ներկայացնել սեփական փորձառությունը։ Այդ հագուստներն էլ տեղական դերձակների հետ համագործակցության ձեւեր են։ Դրանք նոր կերպար փնտրելու ճանապարհներն են, դա ոչ թե փնթի արվեստագետն է, այլ պատասխանատու մեկն է, որ ներկայացնում է տարբեր կերպարներ,,- ասում է նա։

Ցուցահանդեսում հանդիպում ես տարբեր Գալենցների, տարբեր դեմքերով ու եվրոպական հագուկապով։ Նա համոզված է, որքան կոկիկ է  հագնված արվեստագետը, այնքան նա ազատ է։

Այդ ազատությունը նաեւ դուք կարող եք տեսնել, եթե մինչեւ հուլիսի 16-ը լինեք Երեւանում եւ այցելեք Ժամանակակից արվեստի թանգարան։

Նախօրեին Արչի Գալենցին ընդունել էր նաեւ սփյուռքի նախարար Հրանուշ Հակոբյանը, ծանոթացել նրա ծրագրերին եւ հաջողություն մաղթել բեռլինաբնակ հայ արվեստագետին։

 

Հ.Ասատրյան

Երեւան


Առնչվող նյութեր
1. Գերմանիայում Հայաստանի դեսպան Աշոտ Սմբատյանի այցը Մանհայմ քաղաք
2. Ցուցահանդես՝ նվիրված Հովհաննես Զարդարյանի ծննդյան 100-ամյակին
3. Բեռլին. Հայաստանի Հանրապետության 100-ամյակին և Երևանի 2800-ամյակին նվիրված համերգ
4. Գերմանիայի կանցլերն այցելեց Մայր Աթոռ Սուրբ Էջմիածին
5. Մերկելը վստահեցրեց, որ Գերմանիան Հայաստանին կաջակցի Արցախի խնդրում եւ ԵՄ վիզաների ազատականացման հարցում
6. Գերմանիայի կանցլեր Անգելա Մերկելի առաջին այցը Հայաստան
7. Լիլիթ Տոնականյանի անհատական ցուցահանդեսը Նկարիչների միությունում
8. Գերմանահայոց գործարարների միությունն իր զորակցությունն է հայտնել Մայր Աթոռին եւ Ամենայն Հայոց կաթողիկոսին
9. Հայ-գերմանական հարաբերությունների անցյալն ու ներկան քննարկել են Բեռլինում
10. Հայաստանի և Գերմանիայի արտգործնախարարները նախանշեցին երկկողմ հարաբերությունների զարգացման ուղիները

Մեկնաբանություն

Վերջին լուրեր
1.Ին՞չ եփել այսօր՝ քաղաքական կաթսայում. հայացք Երեւանից
2.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
3.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
4.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
5.Րաֆֆի Հերմոն Արաքսին՝ սփյուռքի նախարարության պատվոգիր
6.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
7.Արեւմտյան Հայաստանի Ազգային ժողովի (Խորհրդարանի) 2-րդ գումարման պատգամավորների ընտրությունները կայացան. 101 պատգամավոր 45 երկրից
8.Փարիզում սփյուռքի նախարարության և «Հայասա» ֆեդերացիայի միջև ստորագրվեց հուշագիր
9.ՀՀՇ-ի, ՀՀԿի ճանապարհով չգնաք, որպեսզի բումերանգի պես այն չխփի պետությանը. Րաֆֆի Հովհաննիսյանը՝ ՔՊ-ին
10.Նիկոլ Փաշինյան. Մենք մեզ համար ազգովի բացել ենք երազանքները կյանքի կոչելու ժամանակաշրջան
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: