ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Արեւմտահայերէնով «Ուիքի ճամբար»ը Փորթուկալի մէջ. Օգոստոս 17էն մինչեւ Օգոստոս 26

13 ապրիլի, 2016 | 08:13

 

FCG_3Lines_Partnerships_EZ_01Ուրախութեամբ կը հաղորդենք, որ Սփիւռքի երկրորդ «Ուիքի Ճամբար»ը այս տարի տեղի պիտի ունենայՓորթուկալի մէջ։

Ճամբարը պիտի կազմակերպուի Քատավալ (Cadaval) քիւղաքաղաքի երիտասարդական “Tempo de Aventura” կայանի սահմաններէն ներս, Օգոստոս 17էն մինչեւ Օգոստոս 26։ Տասը օրուան ընթացքին,մասնակիցները ո՛չ միայն առիթը պիտի ունենան արեւմտահայերէն յօդուածներ գրելու զիրենք հետաքրքրողնիւթերու մասին, այլեւ բազմաթիւ բացօթեայ մարզախաղերու պիտի մասնակցին, Եւրոպայի չորս ծագերէնժամանած նոր բարեկամներու պիտի հանդիպին եւ յիշատակելի մէկ ու կէս շաբաթ պիտի անցնենմիասնաբար։

Անցեալ տարի՝ «Գալուստ Կիւլպէնկեան» հիմնարկութեան Հայկական Համայնքներու բաժանմունքը եւ«Ուիքիմետիա Հայաստան» կազմակերպութիւնը միասնաբար սկսան Սփիւռքի մէջ արեւմտահայերէն«Ուիքի Ճամբար» ձեռնարկը։ Արեւմտահայերէնով առաջին «Ուիքի Ճամբար»ը տեղի ունեցաւ 2015իՕգոստոս 3էն մինչեւ Օգոստոս 12, Պէյրութի մէջ, աւելի քան վաթսուն մասնակիցներով (աշակերտներ, ու­սու­ցիչներ եւ տեղեկատուական արհեստագիտութեան մասնագէտներ)։ Ճամբարի ընթացքին, աշա­կերտ­ները առիթը ունեցան իրենց կարողութիւնն ու ինքնավստահութիւնը զարգացնելու թէ՛ «Ուիքի­փե­տիա»յի ուWiktionaryի յօդուածներ գրելով ու խմբագրելով եւ թէ՛ արեւմտեան լեզուներէ յօդուածներ թարգմանելով։2015ի սկիզբը, «Ուիքիփետիա»ն արեւմտահայերէն 650 յօդուած ունէր։ Տարի մը ետք՝ 2016ի սկիզբը, այդ թիւըբարձրացած էր 3546ի։ Այս հնգապատիկ աճումին գլխաւոր պատճառը պա­տանիներու համարկազմակերպուած «Ուիքի Ճամբար»ը եղաւ, որ բորորին համար հաճելի, խան­դավառ եւ աշխատունակմթնոլորտ մը ստեղծեց։

Փորթուկալի ճամբարը ուղղուած է 16էն 25 տարեկան երիտասարդներու եւ անվճար պիտի ըլլայմասնակիցներուն համար։ Հետաքրքրուող անձերը պէտք է «Ուիքի Ճամբար Փորթուկալ» հարցաթերթիկըամբողջացնեն եւ ներկայացնեն մինչեւ Մայիս 10։ Տրամադրելի տեղերու թիւը սահմանափակ է եւկ՚ակնալենք, որ շատ դիմողներ պիտի ըլլան։ Դիմումի գործընթացը առցանց է (տե՛ս կապը ստորեւ) եւ կըպարունակէ ի միջի այլոց հայերէնով շարադրելու բաժին մը։

Փորթուկալի «Ուիքի Ճամբար»ին մասին յաւելեալ տեղեկութիւններ քաղելու համար, հաճեցէք սեղմելայստեղ (տեղեկութիւնը միայն հայերէնով տրամադրելի է)։ Դիմումնագիրը ձեռք բերելու համար, հաճեցէքսեղմել այստեղ։

«Վիքիմեդիա Հայաստան»ը հիմնուած է 2013ին։ International Wikimedia Foundationին աշխոյժ անդամներէնմէկն է։ Ծանօթ է իր նորարար նախաձեռնութիւններուն համար, Սուսաննա Մկրտչեանի ղեկավարութեանբ։


Առնչվող նյութեր
1. Արեւմտահայերէնը արդէն առանձին լեզուական կարգանիշ ունի
2. «ԶԱՐՄԱՆԱԶԱՆ». Գալուստ Կիւլպէնկեան հիմնարկութեան արեւմտահայերէնի զարգացման ծրագիրը
3. Փորթուկալի 2016ի Ուիքիճամբարը լեզուն ու զուարճութիւնը իրարու միացուց
4. Պորտուգալիա. Արեւմտահայերէնի ամառնային ուսուցչական աշխատանոց՝ յաջորդ քայլերը
5. Լիսաբոնում պաշտոնապես բացվեց «Պորտուգալիա-Հայաստան բարեկամության միություն» ՝ հիմք դառնալով նաեւ հայկական համայնքի ձեւավորմանը
6. Ամառնային աշխատանոց 2016՝ Արեւմտահայերէն վերաշխուժացման միջոցներ ու մեթոտներ
7. «Գալուստ Կիւլպէնկեան» թարգմանական մատենաշար. Թարգմանուելիք գիրքերու ցանկը ու կոչ թարգմանիչներու
8. Հայերը 2115ին. 21րդ դարի ռազմավարական ուղղությունները. հունվարի 26-ին բանավեճերի անցկացում Երեւանում, Լոնդոնում եւ Լոս Անջելեսում
9. Փորթուկալը պատուոյ հիւպատոս կը նշանակէՀայաստանի մէջ
10. «Գալուստ Կիւլպէնկեան» Հիմնարկութիւնըհայաստանեան ծրագրերու խորհրդատու կը նշանակէդոկտ. Համազասպ Դանիէլեանը

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: