ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Ավրորա» մարդասիրական նախաձեռնությունը ներկայացնում է Լամիյա Հաջի Բաշարի անվան կրթաթոշակը

31 օգոստոսի, 2017 | 16:03

Լամիյա Հաջի Բաշարի անվան ամենամյա կրթաթոշակը, նվիրված Լամիյայի մղած պայքարին, շնորհվելու է եզդի մի ուսանողի

 

Օգոստոսի 31, 2017 թ. – Երեւան, Հայաստան – «Ավրորա» մարդասիրական նախաձեռնությունն հայտնում է եզդի աշակերտների համար ամենամյա նոր կրթաթոշակի հաստատման մասին, որն ստեղծվել է մարդու իրավունքների աշխարհահռչակ ակտիվիստ, ազգությամբ եզդի Լամիյա Հաջի Բաշարի հետ համագործակցությամբ։ Սա 7 միլիոն դոլար բյուջե ունեցող Երախտագիտության կրթաթոշակների ծրագրի հավելումն է, որը հիմնվել է՝ ի երախտագիտության այն երկրների ժողովուրդներին, որոնք ավելի քան մեկ դար առաջ սնունդ եւ ապաստան են տրամադրել Հայոց ցեղասպանության հետեւանքով տեղահանվածներին։

Լամիյա Հաջի Բաշարի անվան առաջին կրթաթոշակառուն 18-ամյա Այիդո Խիրո Օմարն է Իրաքի Մոսուլ քաղաքից՝ մի քաղաք, որը 2014 թվականից ի վեր խոշտանգվում է չդադարող բռնությունից։ Այիդոն ընտրվել է ոչ միայն իր ցուցաբերած բացառիկ առաջադիմության, այլեւ Իրաքում կրթության հնարավորությունից զրկված որբերի համար կրթական հնարավորություններ ստեղծելու համարձակ նախաձեռնության համար։

Լամիյա Հաջի Բաշարի անվան կրթաթոշակն ամեն տարի տրվելու է ի նշան Իսլամական պետության սանձազերծած սեռական ստրկության դեմ Լամիյայի 2014 թվականի մղած պայքարի։ Բազմաթիվ անհաջող փորձերից հետո Լամիյային 2016 թվականին վերջապես հաջողվեց փախչել ստրկությունից, սակայն դեմ առնելով ականի՝ դաժան պայթյունից ստացել է բազմաթիվ վնասվածքներ։ Ներկայումս Լամիյան շարունակում է նվիրումով ծառայել իր գործին եւ աշխատում է Գերմանիայում իբրեւ հանրային իրավապաշտպան՝ բարձրացնելով եզդիների կրած տառապանքների մասին իրազեկությունն աշխարհում։

 

«Լամիյան բոլորիս համար է օրինակելի գործիչ, հատկապես երիտասարդների, որոնք աշխարհի տարբեր կողմերում պայքարում են հանուն սոցիալական արդարության։ Նա փայլուն օրինակն է այն ազնվության ու նվիրումի, որոնք «Ավրորա» մարդասիրական նախաձեռնությունը ջանք չի խնայում ճանաչման արժանացնելու եւ դրանցով երիտասարդ առաջնորդներին ոգեշնչելու համար»,– ասել է «Ավրորա» մարդասիրական նախաձեռնության եւ UWC Dilijan միջազգային դպրոցի համահիմնադիր Ռուբեն Վարդանյանը։ «Եւ երբ UWC Dilijan դպրոցը ձգտում է ամբողջ աշխարհից մեկտեղ հավաքել նպատակասլաց երիտասարդ առաջնորդների, Լամիյա Հաջի Բաշարի անվան կրթաթոշակը հիշեցնում է մեր աշակերտներին, որ կրթությունը կարող է խաղաղության ուժ ունենալ»,– նշել է Վարդանյանը։

«Մեր համայնքի երիտասարդների համար այս կրթաթոշակը անկրկնելի հնարավորություն է, եւ ես երախտապարտ եմ «Ավրորա» մարդասիրական նախաձեռնությանը տառապած եւ ծանրագույն խոչընդոտներ հաղթահարած աշակերտների առջեւ վերափոխիչ նշանակություն ունեցող համաշխարհային կրթության դուռը բաց անելու համար»,– ասել է Լամիյա Հաջի Բաշարը։

Հայաստանի UWC Dilijan միջազգային դպրոցում, որն աշակերտներ ունի 82 երկրից, Այիդոն կուսանի Միջազգային բակալավրիատի երկամյա ծրագրով՝ ստանալով լիարժեք կրթաթոշակ, որը ներառում է կրթության, կեցության եւ մնացյալ ծախսերը։ «Եռանդ ու իդեալիզմ պահանջող փորձառական կրթական ծրագրի շնորհիվ Այիդոյին ձեռք կբերի այնպիսի մի հարթակ, որով կկարողանա ինչպես իրազեկել իր դասընկերներին եզդիական մշակույթի մասին, հավատացած լինելով, որ երկրի հարուստ պատմությունը չի մոռացվի, այնպես էլ երախտագիտությունն ի գործ դնել, որպեսզի իր երազանքները վերածվեն իրաքցի որբերի համար իրականության»,– ասել է UWC Dilijan դպրոցի տնօրեն Դենիս Դեյվիդսոնը։

Այիդոն կմիանա 2017 թվականի Երախտագիտության կրթաթոշակների ծրագրի մյուս 10 կրթաթոշակառուներին, որոնցից յուրաքանչյուրն ընտրվել է իր մտավոր ներուժի եւ հանրային ընդգրկվածության համար։ Այս 11 աշակերտները Սիրիայից են, Լիբանանից, Լիբանանի պաղեստինյան ճամբարներից, Պաղեստինից, Իսրայելից, Հորդանանից, Հունաստանից, Եգիպտոսից, Եթովպիայից եւ Իրաքից։ Նրանցից ամեն մեկն առանձին կա՛մ փախստականն է, կա՛մ տեղահանված անձ, ապրելիս է եղել կա՛մ ծայրահեղ աղքատության պայմաններում, կա՛մ առանց ծնողի ու խնամակալի։ Աշակերտներն իրենց դասերը կսկսեն սեպտեմբերին՝ աշխարհի 17 UWC քոլեջներից որեւէ մեկում։

Երախտագիտության կրթաթոշակների ծրագիրը Մերձավոր Արեւելքի հիմնադրամի եւ «Ավրորա» մարդասիրական նախաձեռնության համատեղ ձեռնարկումն է։ Ծրագրի գործողության ընթացքում հակամարտություններից, տեղահանություններից եւ աղքատությունից տուժած երկրներից 100 պատանիների հատկացվելու է կրթաթոշակ, որի օժանդակությամբ նրանք հնարավորություն կստանան ուսանելու «Միավորված աշխարհի քոլեջներ» (UWC) միջազգային ցանցի՝ չորս մայրցամաքներով տարաբաշխված 17 քոլեջներից մեկում։ Մինչ օրս, Երախտագիտության կրթաթոշակային ծրագրի աջակցությամբ UWC քոլեջների ցանցում իրենց ուսումնառությունն են սկսել 21 ուսանողներ։

 

 

 

 

 

 


Առնչվող նյութեր
1. 11 երիտասարդ արժանացել են «Ավրորա» երախտագիտության կրթաթոշակների՝ ստանալով UWC քոլեջներում ուսանելու հնարավորություն
2. Վարդան Գրեգորյանի անվան կրթաթոշակ (գիտահետազոտական դրամաշնորհներ). մեկնարկում է հայտերի ընդունման փուլը
3. «Aurora Prize»-ի 2017թ. դափնեկիրն ու 2018-ի հավակնորդները այցելեցին ցեղասպանության հուշահամալիր, հանդիպեցին Վեհափառի հետ
4. «Ավրորա» մրցանակի շնորհման արարողության գլխավոր գործընկերները
5. Թոմ Քաթինան` փոստային նամականիշի հերոս
6. Նյու Յորքում կայացան «Ավրորայի երկխոսությունները»
7. Scholae Mundi հիմնադրամն ու Mahindra Group-ը հայտարարում են նոր կրթաթոշակային ծրագրի մասին
8. 1 միլիոն դոլար` Ամերիկյան համալսարանի ուսանողներին
9. Էդգար Բաղդասարյանը կգլխավորի ԱՎՐՈՐԱ կարճամետրաժ ֆիլմերի մրցույթի ժյուրիի կազմը
10. Քիմ Քարդաշյանը և Շերը գլխավորում են ամենաճանաչված հայ հայտնիների ցանկը. «Ավրորա»ի հետազոտության արդյունքները

Մեկնաբանություն

Վերջին լուրեր
1.Արտավազդ Փելեշյանի «Իմ աշխարհը և դաշտի միասնական տեսությունը» նաև անգլերեն
2.Եվրամիությունը աջակցում է «Հայաստանում ընտրական գործընթացների աջակցություն» ծրագրին
3.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
4.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
5.Գարեգին Բ- Նիկոլ Փաշինյան հանդիպում Մայր Աթոռում
6.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
7.Արման Նուռի անհատական մեծ ցուցահանդեսը Վենոզայում
8.Հայաստանի դպրոցներում կներդրվի Աշխարհատեղեկատվական համակարգը
9.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
10.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: