ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

«Ավրորան» նշում է Մարդասիրության համաշխարհային օրը. Լորդ Արա Դարզու հոդվածը Sunday Times պարբերականում

20 օգոստոսի, 2018 | 12:59

 

Օգոստոսի 19-ին աշխարհը նշում է Մարդասիրության 15-րդ համաշխարհային օրը՝ «քաղաքացին թիրախ չէ» (civilians are #notatarget) կարգախոսի ներքո։

Ռումբի պայթյունի հետեւանքով Իրաքի մայրաքաղաք Բաղդադում հումանիտար օգնություն իրականացնող 22 աշխատակիցների զոհվելու 15-ամյա տարելիցի օրը մենք համախմբվել ենք՝ հաստատելու, որ քաղաքացիներն այլեւս երբեք չպետք է վերածվեն թիրախի։
Ինչպես գրել է «Ավրորա» մրցանակի Ընտրող հանձնաժողովի անդամ Լորդ Արա Դարզին  Sunday Times պարբերականի այսօրվա համարում` «Սա տեղի է ունենում անչափ կարեւոր եւ պատեհ ժամանակ, քանի որ աշխարհում դեռեւս անչափ շատ են մարդիկ, որոնք վերածվում են թիրախի»։ Սեղմեք այստեղառաջադրելու մերօրյա հերոսի, որն ըստ ձեզ ջանք չի խնայում մարդկային տառապանքին վերջ դնելու համար, ինչպես նաեւ ստորեւ ընթերցեք Լորդ Արա Դարզիի հոդվածի մեջբերումն ամբողջությամբ.

«Շատերը գուցե չգիտեն, որ այսօր Մարդասիրության համաշխարհային օրն է՝ «քաղաքացին թիրախ չէ»  կարգախոսով։ Սա տեղի է ունենում անչափ կարեւոր եւ պատեհ ժամանակ, քանի որ աշխարհում դեռեւս անչափ շատ են մարդիկ, որոնք վերածվում են թիրախի Սիրիայում, Աֆրիկայում, իսկ ոչ վաղ անցյալում նաեւ՝ Եւրոպայում, Իռլանդիայում եւ Բալկաններում։

Մեզ չափազանց հեշտ է մոռանալ նախորդ սերունդների վերապրած սարսափները եւ քաղաքականություն խաղալ անցյալի հետ։ Եթե ժամանակին համարում էինք, որ անցյալի ծանրագույն դասերը սերտված են, ապա ներկայումս Բրիտանիայում եւ այլուր հետզհետե շատացող բաժանարարները վերստին հիշեցնում են բոլորիս, որ երբեք չպետք է դադարել ձգտել համախմբման։

Որպես 1915 թվականի Հայոց ցեղասպանության հետեւանքով Մեծ Բրիտանիա ներգաղթած հայ տարագիր ծնողների զավակ, ես լավագույնս գիտեմ վերապրողների եւ նրանց սերունդների կյանքում այդ ժամանակաշրջանի թողած ավերիչ ազդեցության մասին, որի հետեւանքները դեռեւս շարունակում են ձեւավորել վերապրողների ճակատագրերը։ Նմանօրինակ սարսափներից հետո, սակայն, բոլորիս առջեւ ընտրության երկու տարբերակ կա՝ մնալ զոհ կամ գոյատեւել՝ հասնել բարօրության, ու շարունակել երախտագիտության եւ բարեգործության շղթան։ Այսօր, առավել քան երբեւէ, ես լիահույս եմ, որ ամբողջ աշխարհում բոլոր զոհերը եւ նրանց պաշտպանողները, լինեն կառավարությունների անդամ թե ոչ, ճիշտ ընտրություն կկատարեն։

Լորդ Արա Դարզին Բրիտանական կայսրության պատվո շքանշանակիր է (OM KBE), Լորդերի պալատի անդամ, Լոնդոնի կայսերական քոլեջի բժշկագիտության պրոֆեսոր եւ «Ավրորա» համաշխարհային մարդասիրական մրցանակի Ընտրող հանձնաժողովի անդամ»։


Առնչվող նյութեր
1. Ավարտվեց 2019թ. «Ավրորա» մրցանակի առաջադրումների փուլը
2. 2018թ. «Ավրորա» մրցանակի դափնեկիր Չո Լա Աունի անունն արձանագրվեց «Մատյան Մարդասիրաց» ձեռագրում
3. Ավրորայի հերոսի անունը հնչեց Արարատի հովանու ներքո. փաստաբան Չո Լա Աուն/ Մյանմա/
4. «Ավրորա» մրցանակի շնորհման արարողության գլխավոր գործընկերները
5. Հարութ Շիթիլյանը կդառնա «Ավրորայի» հաջորդ գործադիր տնօրենը
6. Նյու Յորքում կայացան «Ավրորայի երկխոսությունները»
7. «Ավրորան»՝ ողջ աշխարհում
8. UWC քոլեջների ուսանողները կառաջարկեն մարդասիրական նոր նախագծեր
9. «Ավրորա» մարդասիրական նախաձեռնության ամենամյա եռօրյա միջոցառումները տեղի կունենան 2018թ. հունիսի 8-10-ը:
10. Թոմ Քաթինան դարձավ 1 միլիոն դոլարի «Ավրորա» մրցանակի դափնեկիր

Մեկնաբանություն

Վերջին լուրեր
1.Եվրամիությունը աջակցում է «Հայաստանում ընտրական գործընթացների աջակցություն» ծրագրին
2.Ստրասբուրգ. Հայաստանի մշտական ներկայացուցիչ Պարույր Հովհաննիսյանն ընտրվեց Եվրոպայի խորհրդի նախարարների կոմիտեի ենթախմբի նախագահ
3.Նիդերլանդներ. Վերաքննիչ դատարանը անփոփոխ է թողնում թուրք ազգայնամոլ Իլհան Աշկինի դեմ վճիռը
4.Գարեգին Բ- Նիկոլ Փաշինյան հանդիպում Մայր Աթոռում
5.Ինֆորմատիկայի և ավտոմատացման պրոբլեմների ինստիտուտը շարունակում է ՏՏ ոլորտում հաջողություններ գրանցել…
6.Արման Նուռի անհատական մեծ ցուցահանդեսը Վենոզայում
7.Հայաստանի դպրոցներում կներդրվի Աշխարհատեղեկատվական համակարգը
8.Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանն ու վերականգնմանը
9.Լեհահայոց հոգևոր հովվությունը ներառվում է Ուկրաինայի հայոց թեմի առաջանորդի հոգևոր իրավասության ներքո
10.Յուրի Վարդանյանի հուղարկավորությունը Կոմիտասի պանթեոնում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: