ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ավստրիա. Հրանտ Դինքի մահվան 10-րդ տարելիցին նվիրված միջոցառում Վիեննայում

25 հունվարի, 2017 | 16:13

hrant dink vienna 2017 3ՎԻԵՆՆԱ. Հունվարի 22-ին Վիեննայի Սուրբ Հռիփսիմե Հայ Առաքելական եկեղեցում տեղի ունեցավ պոլսահայ անվանի գրող, հրապարակախոս, «Ակօս» օրաթերթի գլխավոր խմբագիր Հրանտ Դինքի սպանության 10-րդ տարելիցին նվիրված միջոցառում, որին ներկա գտնվեցին Ավստրիայում ՀՀ դեսպան Արման Կիրակոսյանը, Ավստրիայի խորհրդարանի անդամ, «Կանաչների կուսակցության» ներկայացուցիչ Բերիվան Ասլանը, ավստրիահայ կազմակերպությունների ղեկավարներ, հայ համայնքի ներկայացուցիչներ: Այս մասին հայտնում են ՀՀ ԱԳՆ-ից։

Ոգեկոչման արարողությունն սկսվեց եկեղեցու բակում գտնվող Հայոց ցեղասպանության զոհերի հուշարձանի մոտ ծաղկեպսակի զետեղմամբ` ի հիշատակ Հրանտ Դինքի:

Այնուհետև, եկեղեցու կից սրահում տեղի ունեցավ հիշատակի միջոցառում, որին ելույթով հանդես եկավ Ավստրիայում ՀՀ դեսպան Արման Կիրակոսյանը։ Վերջինս նշեց, որ 10 տարի առաջ այդ օրն Ստամբուլում մասնակցում էր Հրանտ Դինքի հուղարկավորությանը՝ միաժամանակ շեշտելով, որ բավականաչափ տպավորվել էր հուղարկավորությանը մասնակցող հարյուր հազարավոր մարդկանց ներկայությունից, որոնք եկել էին հարգելու դավադրաբար սպանված թուրքահայ հասարակական գործչի հիշատակը և իրենց աջակցությունը հայտնելու Հրանտի ընտանիքին, թուրքահայ համայնքին և ողջ հայ ժողովրդին:

hrant dink vienna 2017 2Դեսպանն իր խոսքում նաև ընդգծեց, որ ցավալի է, որ մեկ տասնամյակ անց դատավարությունն այդպես էլ ի հայտ չի բերել սպանության իրական կազմակերպիչներին՝ համոզմունք հայտնելով, որ լրագրողների և առհասարակ մտավորականների նկատմամբ բռնությունների և սպանությունների բացահայտման ձախողումը կամ դրա ձգձգումն ստեղծում է անպատժելիության մթնոլորտ Թուրքիայում և դրանով իսկ խրախուսում անհարդուրժողականությունը:

Դեսպանը հիշատակեց նաև, որ Դինքի սպանությունից տաս տարի անց Թուրքիայում շարունակում է գերակայել ճշմարտության և արդարության ձգտող անձանց լռեցման նույն գործելաոճը, որի մասին է վկայում Թուրքիայի խորհրդարանի նիստերին պատգամավոր Գարո Փայլանի մասնակցության արգելքը:

Անուհետև, ելույթներով հանդես եկան ավստրիահայ համայնքի ներկայացուցիչները, իսկ եզրափակիչ ելույթով հանդես եկավ պատգամավոր Բերիվան Ասլանը, որն իր խոսքում նշեց, որ երկու տարի առաջ ինքը և իր կուսակիցներն ակտիվ աշխատանք են տարել Ավստրիայի խորհրդարանում Հայոց ցեղասպանության 100-րդ տարելիցի առիթով ընդունված հայտարարության նախաձեռնման և ընդունման գործում:

Միջոցառման ավարտին Վիեննայի պետական օպերայի բարիտոն Խաչիկ Պայվերթյանի կատարմամբ հնչեցին Կոմիտասի ստեղծագործությունները:


hrant dink vienna 2017 4 hrant dink vienna 2017 9


Առնչվող նյութեր
1. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
2. Սարգիս Մարտիրոսյանը՝ Ավստրիայի ծանրամարտի թիմային առաջնության հաղթող
3. Viennacontemporary ժամանակակից արվեստի ցուցահանդեսում «Կիզակետում Հայաստանն է» (Focus:Armenia) պավիլիոնի բացումը
4. Արման Կիրակոսյանը՝ Ատոմային էներգիայի միջազգային գործակալության Կառավարիչների խորհրդի նախագահի տեղակալ
5. Դեսպան Արման Կիրակոսյանը Խորվաթիայի Հանրապետությունում
6. «Հայաստան – Ավստրիա՝ 1918-1921թթ. պաշտոնական շփումները» խորագրով ցուցահանդես Վիեննայում՝ նվիրված մայիսյան հերոսամարտերի և Հայաստանի Հանրապետության 100-ամյակին
7. Հայաստանի Հանրապետության 100-ամյա հոբելյանին նվիրված հայ պատանի երաժիշտների համերգաշարը Ավստրիայում
8. Դեսպան Կիրակոսյանի հանդիպումը Ավստրիայի դաշնային խորհրդարանում
9. Վիեննայում տեղի ունեցան Եվրոհայկական 23-րդ խաղերը
10. 23-րդ Եվրո-հայկական խաղերը մեկնարկեցին Վիեննայում

Մեկնաբանություն

Վերջին լուրեր
1.Վահագն Աթաբեկյանը՝ Լիբանանում Հայաստանի դեսպան
2.Սամվել Մկրտչյանը՝ Լեհաստանում Հայաստանի դեսպան
3.Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում
4.Հ.Բ.Ը.Միութեան կալուածի վաճառման համաձայնագրի վերջին զարգացումները քննարկվել են Կանադայի թեմի անդամական ժողովում
5.Սարիկ Անդրեասյանի «Չներվածը» ներկայացվեց Պրահայի հանդիսատեսին
6.«Մենք չենք կարող փոխել պատմությունը, բայց պատմությունը կարող է փոխել մեզ, որ մեր ապագան ավելի լավը դառնա». Նիկոլ Փաշինյանը ելույթ է ունեցել «Փարիզի խաղաղության համաժողովին»
7.ՑՈՒՑԱՀԱՆԴԵՍ, ԳՐՔԻ ՇՆՈՐՀԱՆԴԵՍ ԵՎ ՀԱՄԵՐԳ` ՆՎԻՐՎԱԾ ՎԱԶԳԵՆ Ա-Ի ԾՆՆԴՅԱՆ 110 ԱՄՅԱԿԻՆ
8.Գագիկ Ղալաչյանը՝ Ղազախստանում Հայաստանի դեսպան
9.Թերեզինում բացվեց ՙՀայերի ցեղասպանությունը. Համաշխարհային մամուլի առաջին էջերում. ցուցահանդեսը
10.ՀՀ մշտական ներկայացուցիչ դեսպան Արման Կիրակոսյանի հայտարարությունը ԵԱՀԿ Մշտական Խորհրդի նիստին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: