ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 հունվարի, 2019
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ավստրիա. Հայաստանի անկախության 25-ամյակին նվիրված միջոցառումներ Վիեննայում

26 սեպտեմբերի, 2016 | 09:43

 

austria 2016Հայաստանի Հանրապետության անկախության 25-ամյակի առթիվ Վիեննայում տեղի ունեցան մի շարք միջոցառումներ:

Անկախության տոնի կապակցությամբ սեպտեմբերի 20-ին Վիեննայի Սբ. Հռիփսիմե հայ առաքելական եկեղեցում մատուցվեց Սուրբ Պատարագ, որից հետո հայրապետական խոսքով հանդես եկավ Կենտրոնական Եվրոպայում և Սկանդինավիայում Հայ Առաքելական եկեղեցու հայրապետական պատվիրակ Տիրան վարդապետ Պետրոսյանը: Պատարագին մասնակցեցին Ավստրիայում ՀՀ դեսպան Արման Կիրակոսյանը, հայ համայնքի ներկայացուցիչներ:

Սեպտեմբերի 21-ին Ավստրիայում ՀՀ դեսպանությունը և Վիեննայի միջազգային կազմակերպություններում ՀՀ մշտական ներկայացուցչությունը կազմակերպել էր ընդունելություն, որին մասնակցեցին Ավստրիայում հավատարմագրված մի քանի տասնյակ դեսպաններ և միջազգային կազմակերպություններում մշտական ներկայացուցիչներ, Ավստրիայի դաշնային խորհրդարանի պատգամավորներ, քաղաքական ու հասարական, մշակութային ու գիտակրթական շրջանակների, ինչպես նաև ավստրիահայ համայնքի ներկայացուցիչներ:

Իր ողջույնի խոսքում դեսպան Կիրակոսյանը շնորհավորեց ներկաներին անկախության տոնի կապակցությամբ և նշեց, որ, թեև անկախությունը վերագտնելուց ի վեր Հայաստանը բախվեց բազմաթիվ դժվարությունների, այդուհանդերձ կենսունակ պետություն կառուցելու տեսանկյունից շոշափելի առաջընթաց է արձանագրել: Դեսպան Կիրակոսյանն առանձնահատուկ կարևորեց Ավստրիայի և Հայաստանի այլ բարեկամ երկրների աջակցությունը, որի շնորհիվ Հայաստանի կառավարությանն ու ժողովրդին անցյալ քարորդ դարում հաջողվեց զգալի ձեռքբերումներ ունենալ:

ՀՀ դեսպանը գոհունակությամբ նշեց, որ Հայաստանի ու բարեկամ Ավստրիայի հարաբերությունները և քաղաքական երկխոսությունը գտնվում են բարձր մակարդակի վրա: Այս համատեքստում դեսպանը կարևորեց նաև Ավստրիայի զարգացման գործակալության աջակցությամբ Հայաստանի գյուղատնտեսության, կառավարման ապարատի և այլ ոլորտների արդյունավետության բարձրացմանն ուղղությամբ իրականացվող ծրագրերը:

Դեսպան Կիրակոսյանը նաև անդրադարձավ Վիեննայում գտնվող մի շարք միջազգային կազմակերպությունների, հատկապես ԵԱՀԿ-ի շրջանակներում ծավալվող կարևորագույն գործունեությանը, ինչպես նաև ՄԱԿ-ի մասնագիտական մի շարք կառույցների, այդ թվում՝ ԱԷՄԳ-ի, ՄԱԿԶԿ-ի, ՄՊՀԱՓԿ-ի շրջանակներում ընթացող արդյունավետ միջազգային համագործակցությանը:

ՀՀ դիվանագիտական ներկայացուցչությունում տեղի ունեցած հանդիսավոր միջոցառումն ուղեկցվեց ավստրիահայ երաժիշտների կողմից հայկական մեղեդիների ջազային մշակումների կատարումներով:

Arman Kirakosyan ausrtia 2016 austria 2016


Առնչվող նյութեր
1. Ավստրիայում Հայաստանի դեսպանը նաեւ ՀՀ ներկայացուցիչ ԵԱՀԿ-ում եւ ՄԱԿ-ի կազմակերպություններում
2. Ավստրիայում ՀՀ դեսպանը հավատարմագրերի պատճենը հանձնեց Ավստրիայի արտաքին գերատեսչությունում
3. Հասմիկ Պապյանի եւ Նարե Արղամանյանի փառահեղ ելույթը Վիեննայի հեղինակավոր Մուզիքֆերայն համերգասրահում
4. Ավստրիայում ՀՀ դեսպան Արման Կիրակոսյանի հրաժեշտի միջոցառումը Ավստրիայի արտաքին գերատեսչությունում
5. Արմեն Պապիկյանը՝ Ավստրիայում Հայաստանի դեսպան
6. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
7. Սարգիս Մարտիրոսյանը՝ Ավստրիայի ծանրամարտի թիմային առաջնության հաղթող
8. Viennacontemporary ժամանակակից արվեստի ցուցահանդեսում «Կիզակետում Հայաստանն է» (Focus:Armenia) պավիլիոնի բացումը
9. Արման Կիրակոսյանը՝ Ատոմային էներգիայի միջազգային գործակալության Կառավարիչների խորհրդի նախագահի տեղակալ
10. «Հայաստան – Ավստրիա՝ 1918-1921թթ. պաշտոնական շփումները» խորագրով ցուցահանդես Վիեննայում՝ նվիրված մայիսյան հերոսամարտերի և Հայաստանի Հանրապետության 100-ամյակին

Մեկնաբանություն

Վերջին լուրեր
1.ԱՆԹԻԼԻԱՍԻ ՄԷՋ ԽՈՐՀՐԴԱԿՑԱԿԱՆ ՆԻՍՏԵՐ՝ ՀԱՅ ՄԱՄՈՒԼԻ ՏԱՐԻ ՀՌՉԱԿՈՒՄԻՆ ԱՌԻԹՈՎ
2.«Սրընթաց հեղափոխությունները տեղի են ունենալու նաև մեր ամենօրյա կյանքում». Նախագահ Արմեն Սարգսյան
3.Լենա Նազարյանը, Ալեն Սիմոնյանը եւ Վահե Էնֆիաջյանն ընտրվել են ՀՀ ԱԺ նախագահի տեղակալներ
4.Դեսպան Վարուժան Ներսեսյանն իր հավատարմագրերը հանձնեց ԱՄՆ նախագահին
5.Սահակ Սարգսյանը Սևծովյան տնտեսական համագործակցության կազմակերպությունում ՀՀ մշտական ներկայացուցիչ
6.Ավստրիայում Հայաստանի դեսպանը նաեւ ՀՀ ներկայացուցիչ ԵԱՀԿ-ում եւ ՄԱԿ-ի կազմակերպություններում
7.Արարատ Միրզոյանը միաձայն ընտրվեց 7-րդ գումարման ԱԺ նախագահ
8.Մեկնարկել է ՀՀ ԱԺ յոթերորդ գումարման առաջին նստաշրջանի աշխատանքը
9.Մեր ժողովուրդը մեծ սպասումներ ու ակնկալություններ ունի բարեփոխումների. Գարեգին Բ Ամենայն Հայոց կաթողիկոս
10.«Եղե՛ք ընդդիմախոսներ, բայց երբեք հակառակորդներ: Թիրախավորե՛ք խնդիրները, այլ ոչ թե անձերին»:- Հանրապետության նախագահ Արմեն Սարգսյանի ելույթը 7-րդ գումարման Ազգային ժողովի առաջին նիստում
Դիտել բոլորը
© ORER.CZ 2003-2012, ORER.EU 2012-2019
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: