ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 նոյեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ավստրիա. Եղիշե Չարենցի 120-ամյակը նշվեց Վիեննայում

29 նոյեմբերի, 2017 | 14:36

Նոյեմբերի 25-ին Ավստրիայում ՀՀ դեսպանության «Հայաստան» մշակութային կենտրոնում տեղի ունեցավ հայ մեծ բանաստեղծ, “Հայոց Ոգու Արարատի” Եղիշե Չարենցի 120-ամյա հոբելյանին նվիրված գրական երեկո:

Այն կազմակերպել էր Ավստրիայի Հայ Առաքելական եկեղեցական համայնքի վարչությունը՝ ՀՀ դեսպանության հետ գործակցությամբ: Ավստրիայի հայ համայնքի հոգևոր և աշխարհիկ ներկայացուցիչները միասնաբար հարգանքի տուրք մատուցեցին մեր գրականության մեծանուն  բանաստեղծին, որն  իր կյանքի,  արդարության և ազատության գնով մեր լեզվին և ազգին 50 հազարից ավելի տողեր բանաստեղծություններ նվիրեց:

Այս գեղեցիկ գեղարվեստական ձեռնարկի ժամանակ Ավստրիայում ՀՀ դեսպան Արման Կիրակոսյանը ավստրիացի գրող, հրապարակախոս ու թարգմանիչ, հայ ազգի բարեկամ, հայոց լեզվին և Հայաստանին իր բազմաթիվ աշխատությունները նվիրած  Հերբերտ Մաուրերին հանձնեց  դեռեւս սեպտեմբերի 7-ին ՀՀ նախագահի հրամանագրով շնորհած ,,Երախտագիտություն,, մեդալը:

Ապա ողջ երեկո հայ և ավստրիացի հանդիսատեսը վայելեցին հատվածներ մեծ հայ բանաստեղծի երկերից, պոէմներից, ինչպես նաև իր կենսագրության մեջ տեղ գտած հետաքրքիր դրվագներ և իր կերպարը բացահայտող մանրապատումներ:

Լիահույս ենք, որ հայապահպանությանն ու Հայ մեծերին մեծարելու և երիտասարդ սերնդներին փոխանցելու նման կարևոր կրթական և մշակութային ձեռնարկները ապագայում կլինեն շարժական և կշրջագայեն Ավստրիայի այլ քաղաքներով’ հիացնելու և Ավստրիայի հայության սրտերը ջերմացնելու հայ գրականությամբ և հայ արվեստով:

Ավստրիայի Հայ Առաքելական Եկեղեցական Համայնքի Վարչություն,

Վիեննա, 28.11.2017թ


Առնչվող նյութեր
1. Դոկտ. Արման Կիրակոսեանի նոր մենագրութեան շնորհահանդէս-գինեձօնը Ավստրիայում
2. Սարգիս Մարտիրոսյանը՝ Ավստրիայի ծանրամարտի թիմային առաջնության հաղթող
3. Viennacontemporary ժամանակակից արվեստի ցուցահանդեսում «Կիզակետում Հայաստանն է» (Focus:Armenia) պավիլիոնի բացումը
4. Արման Կիրակոսյանը՝ Ատոմային էներգիայի միջազգային գործակալության Կառավարիչների խորհրդի նախագահի տեղակալ
5. Դեսպան Արման Կիրակոսյանը Խորվաթիայի Հանրապետությունում
6. «Հայաստան – Ավստրիա՝ 1918-1921թթ. պաշտոնական շփումները» խորագրով ցուցահանդես Վիեննայում՝ նվիրված մայիսյան հերոսամարտերի և Հայաստանի Հանրապետության 100-ամյակին
7. Հայաստանի Հանրապետության 100-ամյա հոբելյանին նվիրված հայ պատանի երաժիշտների համերգաշարը Ավստրիայում
8. Դեսպան Կիրակոսյանի հանդիպումը Ավստրիայի դաշնային խորհրդարանում
9. Վիեննայում տեղի ունեցան Եվրոհայկական 23-րդ խաղերը
10. Աննա Աստվածատուրյան-Տուրկոտի դասախոսությունը Վիեննայում՝ նվիրված Արցախյան շարժման 30-ամյակին

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: