ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
14 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Աննախադեպ մշակութային երեկո Լոնդոնում

Կոմիտաս երգչախմբի և մշակութային ընկերակցության համերգ-ցուցահանդեսը
15 հունիսի, 2017 | 16:21

2017թ. Հունիսի 11-ին Լոնդոնի Կոմիտաս եգչախումբը և մշակութային ընկերակցությունը (KCCA) մեկնարկեց իր բուն գործունեության առաքելությունը՝ ներկայացնելով հայկական հարուստ մշակույթը բրիտանացի հանդիսատեսին, ինչպես նաև հայկական համայնքի ներկայացուցիչներին:

Համերգ-ցուցահանդեսը, որը կրում էր “Երկխոսություն Երաժշտության և ներկապնակի միջև”,  շլացրեց և ցնցեց ավելի քան 200-ից ավելի հանդիսատեսին: Գեղարվեստական ղեկավար Ս.Օլահի կողմից հատուկ ընտրված բազմաժանր ծրագիրը՝ մենակատար կատարումները, Կոմիտաս երգչախմբի ելույթները և գեղանկարչուհի Լեոնի Փիլարտի փառահեղ կտավները, համձուլվածքն էին այդ օրվա մշակութային հագեցած ձեռնարկի:

Կոմիտաս երգչախումբը հիմնադրվել է 2013թ-ին Լոնդոնում ՝դիրիժոր Սիփան Օլահի կողմից, նպատակ ունենալով միավորել երգիչների խումբ, որոնք կկատարեն և կնպաստեն հայկական և միջազգային ժողովրդական և դասական երգերի տարածմանը Միացյալ Թագավորությունում և այլուր:

Երգչախումբն այժմ վայելում է բացառիկ հեղինակություն Միացյալ Թագավորությունում, ինչպես նայև այլ երկրներում, որին նպաստել են երգչախմբի ունեցած բացառիկ համերգները և կատարումները՝ համագործակցությամբ մի շարք անվանի կազմակերպությունների և երգչախմբերի հետ Միացյալ Թագավորությունում:

Այժմ երգչախումբը հանդես է գալիս “Կոմիտաս Երգչախումբ և Մշակութային ընկերակցության” (KCCA) անբաժանելի մաս,  որը վերակազմավորվել է 2017թ-ի սկզբին՝ վեց  հոգանոց խորհրդի անդամներով:  Ընկերակցության գործունեությունը չի սահմանափակվում միայն երգչախմբով, այն նաև նպատակ ունի կազմակերպել տարբեր համերգներ, ցուցահանդեսներ, դասախոսություններ և այլ մշակութային ձեռնարկներ:

Հունիս 11-ի ձեռնարկը տեղի ունեցավ Սբ. Քաթցբըրթ Անգլիկան եկեղեցում, որը գտնվում է Լոնդոնի կենտրոնում՝ Քենսինգթոնում:

Երեկոյի երաժշտական մասը սկսվեց մենակատարների ելույթներով: Հնչեցին Կոմիտասի այնպիսի  հայտնի  երգեր, ինչպիսիք են “Քելե-քելե” երգը, որը կատարեց լիտվացի մենակատար սոպրանո Ինեսա Դոմրաչեվայտեն, իսկ  “Երկինքն Ամպել ա” և “Շողեր ջան” երգերը կատարեց KCCA-ի ղեկավար և անվանի տենոր Սիփան Օլահը:

Ավստրալիայից սոպրանո Ալինա Թադևոսյանը  վարպետորեն կատարեց “Կուժն առա” երգը, իսկ  Հովհաննես Առաքելյանի հզոր ձայնը գրավեց ունկնդրին Վ.Կոտոյանի “Ինչպես Երազ” երգով:

Երկու ռոմանսային զուգերգեր հնչեցին սոպրանո Հայարփի Եղիկայանի  և տենոր Սիփան Օլահի կատարումներով, այդ թվում՝ Խաչատուր Ավետիսյանի “Որտեղ գտնեմ քեզ” և Կոմիտասի “Հաբրբան” երգերը:

Հայարփի Եղիկյանը վարպետորեն կատարեց “Ախ Մարալ ջան,, և ,,Էրվում եմ” երգերը: Լեոն Ասլանովը կատարեց Առնո Բաբաջանյանի դաշնամուրային “էքսպրոմտ”-ը, այնուհետև նրան միացավ Սիփան Օլահը և միասին նրանք դաշնամուրային զուգանվագով կատարեցին Արամ Խաչատրյանի հայտնի “Դիմակահանդեսից” “Վալսը”:

Մենակատարները զբաղեցրեցին երգչախմբում իրենց տեղերը և բեմը տրամադրվեց ,,Կոմիտաս,, երգչախմբին և  դիրիժոր Սիփան Օլահին:

Այս երեկոյի նվագակցող դաշնակահարուհին՝ չինացի Եմաս Աուն էր՝ “Գիլդ Հոլ” Երաժշտության-դրամայի վարժարանից: Երգչախմբի կատարմամբ հնչեցին երգեր “Անձրևն եկավ”, “Արփա-Սևան,,, “Կիլիկիա” ինչպես նաև անգլերեն և ուլշերեն երգեր: Երգչախումբը հանդես եկավ իր երգացանկի նոր ջազային երգերի կատարումներով, որոնք առաջին անգամ հնչեցին Մեծ Բրիտանիայում:

Այդ երգերն էին Կոնստանտին Օրբելյանի “Հավատում եմ ես, և չեմ հավատում” և “Ճանապարհի երգ”՝ Ս.Օլահի կողմից մենակատարի, երգչախմբի ու դաշնամուրի համար փոխադրված տարբերակներով: Համերգային ելութը եզրափակվեց Ստեփան Շաքարյանի “Հայկական ժողովրդական երգերի” պոպուրիով:

Այնուհետ ուշադրությունը սևեռվեց բազմատաղանդ գեղանկարչուհի Լեոնի Փիլարտի 26 նկարների ցուցահանդեսի վրա: Նա հանդես եկավ սրտաբուխ ելույթով՝ ներկայացնելով իր սերը և նվիրումը Հայաստանին,  մեկնաբանելով և մեկնելով այն իր նկարների գույների գունագեղությամբ:

Նա իր երախտագիտությունը հայտնեց “Կոմիտաս Երգչախումբ և Մշակութային Ընկերակցությանը”,  ինչպես նաև փոխանցեց իր իսկ պատրաստած Կոմիտասի պատկերով հուշամեդալը  դիրիժոր Սիփան Օլահին: Ելույթով հանդես եկավ Սբ. Քաթցբըրթ անգլիական եկեղեցու հովիվ Տեր Փոլ Բեգոթը իր հիացմունքը և հետագայում էլ իր անաչառ աջակցությունը խոստանալով երգչախմբին և KCCA-ին:

Համերգին ներկա էին Հայ Առաքելական և Անգլիական եկեղեցիների ներկայացուցիչներ, Միացյալ թագավորությունում մի շարք մշակութային և համայնքային կազմակերպությունների ղեկավարներ, երաժիշտներ և արվեսատասերներ:

Բարձր ծափողջույններից հետո հանդիսատեսը  ըմբոշխնեց նկարների ցուցահանդեսը և ճաշակել  KCCA-ի տիկնանց կողմից պատրաստված քաղցրավենիքները։

 

Լեոն Ասլանով

Լոնդոն

 


Առնչվող նյութեր
1. Թեքեյան կենտրոնը իրականացնում է «Անվճար դասագրքեր կարիքավոր երեխաների համար» ամենամյա ծրագիրը
2. Պետո Պողոսյանի «Շարժում» անհատական ցուցահանդեսը կբացվի դեկտեմբերի 5-ին
3. Արման Նուռի անհատական մեծ ցուցահանդեսը Վենոզայում
4. Ներսես Պիծակյանի անհատական ցուցահանդեսը Երեւանում
5. ՊՐԱՀԱ. Բրշ. Դր. Հայկ Սրկ. Իւթիւճեանի դասախօսութիւնը Ստրահովի վանուց ցուցահանդէսէն
6. Հայաստանի Նկարիչների միությունում բացվեց Ժիրայր Աղավելյանի ցուցահանդեսը
7. Լոնդոնում նշվեց «Գևորգ Թահթայան» կիրակնօրյա ազգային վարժարանի հիմնադրման 40-ամյակը
8. Հայաստանը Ֆրանկֆուրտի գրքի միջազգային ցուցահանդեսում
9. Բոտոշան. Հայաստանին ու Ռումինիային նվիրված ցուցահանդես
10. Բացառիկ հայկական ցուցահանդես՝ չեխական հրաշագեղ դահլիճում

Մեկնաբանություն

Վերջին լուրեր
1.Ավստրիայում ՀՀ դեսպան Արման Կիրակոսյանի հրաժեշտի միջոցառումը Ավստրիայի արտաքին գերատեսչությունում
2.Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
3.Ժնեւ. ՀՀ վարչապետի պաշտոնակատարի տիկին Աննա Հակոբյանի հանդիպումը Շվեյցարիայի հայ համայնքի հետ
4.«Այաս-Կիլիկիա» ռեստորանում այցելուներին փոխանցում են հայկական ավանդական ընտանիքի տրամադրությունները
5.ՊՐԱՀԱ. Ամանորյա տոնական հանդես մանուկների համար
6.Սպիտակի երկրաշարժի 30-րդ տարելիցին նվիրված միջոցառումներ Ֆրանսիայում
7.Դեսպան Տիգրան Սեյրանյանի հանդիպումը Չեխիայի Սենատի նախագահ Կուբերայի հետ
8.Բժիշկ Թոմ Քաթինան՝ «Ավրորա» մարդասիրական նախաձեռնության նախագահ
9.Թեքեյան կենտրոնը իրականացնում է «Անվճար դասագրքեր կարիքավոր երեխաների համար» ամենամյա ծրագիրը
10.Հայաստանի պատմական քարտեզների ցուցադրություն Կաունասի հանրային գրադարանում
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: