ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
21 մայիսի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Այվազովսկու 200-ամյակին նվիրված մեծ ցուցահանդեսի «աստղային» կտավը՝ «Քաոսը», արդեն ճանապարհին է

Ցուցահանդեսը Հայաստանի Ազգային պատկերասրահում կգործի սեպտեմբերի 15-ից հունվարի 15-ը
12 սեպտեմբերի, 2017 | 11:39

«Քաոսի» ուղևորությունը Վենետիկից Երևան զերծ չէ բարդություններից. Հայաստանի ազգային պատկերասրահի տնօրեն Արման Ծատուրյանը կատակով նկատում է՝ Մխիթարյան միաբանության հայրերը դժվարությամբ են բաժանվում Այվազովսկու հանճարեղ կտավից, որը ժամանակին Հռոմի Պապն է նվիրել միաբանությանը:

Այդուհանդերձ, հայկական մի քանի գերատեսչությունների համատեղ ջանքերով «Քաոսն» արդեն ճանապարհին է՝ Այվազովսկու 200-ամյակին նվիրված մեծ ցուցահանդեսի «աստղային» կտավը դառնալու իրական հավակնություններով:

52 գեղանկար, 26 գրաֆիկական, մեկ դեկորատիվ-կիրառական աշխատանք, 20 վավերագիր: Ազգային պատկերասրահի մշտական ցուցադրանքում երբևէ չներկայացված գրաֆիկական աշխատանքներն, ըստ Ծատուրյանի, Այվազովսկի ծովանկարչին շատերի համար կբացահայտեն նաև որպես հրաշալի բնանկարների, դիմանկարների ու ճեպանկարների հեղինակ:

Ինչու՞ արժե գալ «Հովհաննես Այվազովսկի. Արարում» խորագրով այս ցուցահանդեսը տեսնելու. իր իսկ բարձրացրած փոքր-ինչ հռետորական հարցին ՀԱՊ թանգարանային կառավարման գծով փոխտնօրեն Նարիա Եղիազարյանը պատասխանում է.

«Բացի այն, որ Այվազովսկին մեր հայրենակիցն է ու համաշխարհային ճանաչում ունեցող ամենամեծ ծովանկարիչը, նա նաև մեծ քաղաքացի էր, մեծ մանկավարժ, մեծ հնագետ: Այվազովսկուն անդրադարձել են անընդմեջ ու անընդհատ, բայց միևնույնն է՝ նա միշտ բացահայտելու տեղ ունի»:

Հովհաննես Այվազովսկու 200-ամյակին նվիրված ծավալուն նախագծի կարևորագույն բաղադրիչն է նաև միջազգային գիտաժողովը, որը Երևանում կմեկտեղի աշխարհի խոշորագույն թանգարանների ներկայացուցիչներին: ՀԱՊ գրաֆիկայի բաժնի վարիչ Մարինա Հակոբյանի բնորոշմամբ, գիտաժողովն առանձնանում է ոչ միայն մասնագետների, այլև թեմատիկ լայն ընդգրկմամբ:

««Ծովանկարչության սահմանները» խորագրով գիտաժողովի հիմնական առանցքը, իհարկե, Այվազովսկին է, բայց՝ ոչ միայն Այվազովսկին: Կլինեն զեկույցներ նաև ծովանկարչության մասին ընդհանրապես: Նորահայտ էջեր, երբևէ չներկայացված վավերագրեր աշխարհահռչակ ծովանկարչի կյանքի ու արվեստի ամենատարբեր մանրամասների վերաբերյալ: Հուսանք, որ հնարավորինս շատ մարդ կհաղորդակցի այս ամենին»,-ասաց Մարինա Հակոբյանը:

Արման Ծատուրյանը չթաքցրեց ցանկությունն ու երազանքը՝ ցուցահանդեսի օրերին տեսնել 2-3 կիլոմետրանոց հերթեր Ազգային պատկերասրահի մուտքի մոտ, ինչպիսիք 2016-ին առիթ է ունեցել տեսնելու Մոսկվայի Տրետյակովյան պատկերասրահում, Այվազովսկուն նվիրված ցուցահանդեսի օրերին:

Պատկերասրահի տնօրենը նաև վստահեցրեց, որ ներկայացվող մշակութային հարստության անվտանգությունն ապահովելու համար իրականացվել են անհրաժեշտ բոլոր միջոցառումները:

Ցուցահանդեսը կգործի սեպտեմբերի 15-ից հունվարի 15-ը։

Ալիսա Գևորգյան

ՀՀ մշակույթի նախարարություն


Առնչվող նյութեր
1. Ապրիլի 12-ից Արաքսյա Ղազարյանի ցուցահանդեսը Պրահայում
2. Արա Հարությունյան. Մոնումենտալ երևակայում» ցուցադրությունը Գաֆէսճեան կենտրոնում
3. Նվարդ Զարյանի 100-ամյակին նվիրված ցուցահանդես Երեւանում
4. Պրահայում 794 հազար եվրոյով վաճառվել է Այվազվոսկու ,,Փոթորիկ ծովում,, կտավը
5. Լիլիթ Սողոմոնյանը նկարչության միջոցով զգացմունքներ է արթնացնում. Պրահայի ցուցահանդեսի արձագանքները
6. Մանե Հովհաննիսյանի լուսանկարչական ցուցահանդեսը Քյոլնում
7. Լոնդոն. Այվազովսկու մեծ ծոռը կներկայացնի իր մոր մեծ պապի պատմությունը
8. Մարվեց Հովհաննես Այվազովսկու հոբելյանին նվիրված գեղաթերթիկը
9. Սարո Գալենցն արվեստի, ծնողների եւ ընտանիքի մասին
10. Կյանքից հեռացավ գեղանկարիչ Սարո Կալենցը /Գալենցը/

Մեկնաբանություն

Վերջին լուրեր
1.Լեհաստանի հայերի երրորդ համագումարը Վարշավայում. ներկայացվեց նաեւ ՕՐԵՐ-ի լեհահայությանը նվիրված հատուկ համարը
2.Պարույր Հովհաննիսյան. Ժողովրդավարությունը Հայաստանում անշրջելի է, և կառավարությունն իրականացնելու է առավելագույնը՝ այն շարունակաբար զարգացնելու և համապատասխանեցնելու ԵԽ չափանիշներին
3.Մեր առաջնահերթ պարտականությունն է ապահովել Արցախի և նրա ժողովրդի անվտանգությունը. Զոհրաբ Մնացականյան
4.Դեսպան Ղազարյանի հանդիպումը Վարշավայի քաղաքապետի հետ
5.Նախագահը հյուրընկալում է երեխաներին
6.Գաֆէսճեան արվեստի կենտրոնը տոնում է Թանգարանների միջազգային օրը
7.Դեսպան Կիրակոսյանի հանդիպումը Ավստրիայի դաշնային խորհրդարանում
8.Ֆրանսիայում ՀՀ նորանշանակ դեսպանն ընդունեց Ֆրանսահայ կազմակերպությունների համակարգող խորհրդի անդամներին
9.Համազգայինի 90-ամեակին առիթով միութեան Կեդրոնական վարչութիւնը 14-20-րդ դարերու Արժէքաւոր Ձեռագիրներ Յանձնեց Մատենադարանին
10.Խնդրում եմ 2-3 ամիս ժամանակ տրամադրել Նիկոլ Փաշինյանին. Շանթ Հարությունյան.
Դիտել բոլորը
Ամենաշատ դիտվածները
1.Նալբանդյանը շշպռեց մեջ ընկած Մամեդյարովին.-տեսանյութ
2.Սոպրանո Անուշ Հովհաննիսյանն անցել է BBC Քարդիֆի ՚՚Աշխարհի երգիչ՚՚ մրցույթի եզրափակիչ փուլ
3.Հայ օպերային երգիչները գրավում են Քովենթ Գարդենը. 40 օրում 13 ելույթ Լոնդոնում
4.Եվրոպայի երկու չեմպիոն Պրահայում. Մամիկոն Ղարիբյանի եւ Մանուել Պետրոսյանի պատվին երկու անգամ հնչեց Հայաստանի օրհներգը -լուսանկարներ
5.Հայ բժշկուհիները օդանավում փրկեցին չինուհու կյանքը
6.Հայաստանի տիկնիկային թատրոնը հաղթեց Պրահայի միջազգային փառատոնում
7.՚՚Հաց բերողին՚՚ ազատեցին Ֆրանսիայում անախորժություններից խուսափելու համար. ֆրանսահայերի բողոքի ցույց խորհրդավոր ընթրիքի ժամին
8.Չեխիայի խորհրդարանը ճանաչեց Հայերի ցեղասպանությունը
9.«Միկոյանն իրադրության պատանդն էր, ինչ-որ չափով՝ ստալինյան զոհ»
10.Հայ մտավորականների բաց նամակը ՀՀ ոստիկանապետին. Մենք ցանկանում ենք ապրել պետությունում, որտեղ անպատիժ չմնան հովանավորյալները
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: