ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
18 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ամենայն Հայոց Կաթողիկոսն այցելեց Ռ. Յոլյանի արյունաբանական կենտրոնում բուժվող մանուկներին

05 հունվարի, 2018 | 01:31

Հունվարի 5-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը այցելեց ՀՀ ԱՆ Ռ. Յոլյանի անվան արյունաբանական կենտրոն՝ Ս. Ծննդյան տոնի առիթով իր շնորհավորանքներն ու օրհնությունը բերելու կենտրոնում բուժվող մանուկներին։

Վեհափառ Հայրապետին ուղեկցում էին Երևանի Ս. Գրիգոր Լուսավորիչ մայր եկեղեցու հոգևոր տեսուչ Գերաշնորհ Տ. Անուշավան եպիսկոպոս Ժամկոչյանը, Մայր Աթոռի Սոցիալական ծառայությունների գրասենյակի տնօրեն Արժանապատիվ Տ. Մարկոս քահանա Մանգասարյանը և կենտրոնի այցելու հովիվ,  Ս. Գրիգոր Լուսավորիչ եկեղեցու  հոգևոր սպասավոր Արժանապատիվ Տ. Առնակ քահանա Հարությունյանը։

Ամենայն Հայոց Հայրապետին մուտքի մոտ դիմավորեցին կենտրոնի տնօրեն բ.գ.դ., պրոֆեսոր Սմբատ Դաղբաշյանը և կենտրոնի ղեկավար կազմը։ Նորին Սրբությունը պրոֆեսոր Ս. Դաղբաշյանի ուղեկցությամբ շրջայց կատարեց Արյունաբանական կենտրոնում, ծանոթացավ կենտրոնի պայմաններին և արդիական սարքավորումներով հագեցվածությանը։

Այնուհետև Վեհափառ Հայրապետն այցելեց մանկական խաղասենյակում հավաքված մանուկներին և նրանց ծնողներին՝ շնորհավորելով Նոր Տարվա և մեր Տիրոջ Սուրբ Ծննդյան հուսանորոգ տոների առիթով։ Գարեգին Բ Կաթողիկոսը, խոսելով Սուրբ Ծննդյան խորհրդի մասին, ընդգծեց, որ Աստված իր սերը և առատ շնորհները բոլորին է բաշխում ըստ իրենց կարիքների՝ պայծառակերպելով ամենքի կյանքը։ Վեհափառը հորդորեց փոքրիկներին այդ հավատով ու հույսով լցվել և մաղթեց շուտափույթ ապաքինվելով՝ վերադառնալ իրենց բնականոն կյանքին։

Կենտրոնի տնօրենն իր հերթին շնորհակալություն հայտնեց Ամենայն Հայոց Հայրապետին այցի առիթով՝ կարևորելով Եկեղեցու և կենտրոնի միջև ձևավորված գործակցությունը և պարբերաբար ցուցաբերվող աջակցությունը։ Պրոֆեսոր Ս. Դաղբաշյանը ընդգծեց այցելող հոգևորականների օգտակար ծառայությունը և բարերար ազդեցությունը կենտրոնում բուժում ստացող մանուկների կյանքի վրա։

Վերջում Գարեգին Բ Կաթողիկոսը զրույց ունեցավ բժիշկների հետ։ Վեհափառ Հայրապետը բարձր գնահատեց նրանց նվիրյալ ծառայությունը և շնորհակալություն հայտնեց մանուկների նկատմամբ ցուցաբերվող հոգատարության համար։ Նորին Սրբությունը կենտրոնի տնօրինությանը և բժշկական անձնակազմին մաղթեց Աստծո զորակցությունն իրենց դժվարին առաքելության մեջ։

Տոնի առիթով Ամենայն Հայոց Կաթողիկոսը մանուկներին ընծայեց խաչեր, Մանկական Աստվածաշնչեր և այլ նվերներ՝ Մայր Աթոռի կողմից նյութական աջակցություն ցուցաբերելով նաև նրանց ընտանիքներին։


Առնչվող նյութեր
1. Հայ-գերմանական ֆորումի նախագահը Մայր Աթոռում
2. Հայոց կաթողիկոսությունը վերացնելու խնդիր է դրված
3. Հայ Եկեղեցուոյ Մէջ Ծագած Տագնապներ Փողոցին Մէջ Չէ, որ Կը Լուծուին Այլ Կրօնական Հաստատութեան Երդիկին Տակ. ՌԱԿ-ի կոչը
4. Կաթողիկոսն իր հրաժարականը պահանջող քահանաներին հրավիրել է հանդիպման. Վահրամ քահանա Մելիքյան
5. Հոգեշնորհ Տ. Դանիել վարդապետ Ֆընտըգյանը` ԱՄՆ Հայոց Արևելյան թեմի առաջնորդ
6. Ամենայն Հայոց Կաթողիկոսը շնորհավորեց ՀՀ նորընտիր վարչապետին
7. Ամենայն Հայոց Կաթողիկոսը hովվապետական այցով ժամանեց Մեքսիկայի մայրաքաղաք Մեխիկո
8. Գարեգին Բ-ն Բեռլինում նախագահել է «Մերձավոր Արևելքի քրիստոնյաները» միջազգային գիտաժողովը
9. Ամենայն Հայոց Կաթողիկոսը հանդիպեց Գերմանիայի ներկա եւ նախկին նախագահների հետ
10. Ամենայն Հայոց Կաթողիկոսի կոնդակը Շուշիի ազատագրության և Արցախի Հանրապետության Պաշտպանության բանակի 25-րդ տարեդարձի առիթով

Մեկնաբանություն

Վերջին լուրեր
1.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
2.Ին՞չ եփել այսօր՝ քաղաքական կաթսայում. հայացք Երեւանից
3.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
4.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
5.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
6.Րաֆֆի Հերմոն Արաքսին՝ սփյուռքի նախարարության պատվոգիր
7.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
8.Արեւմտյան Հայաստանի Ազգային ժողովի (Խորհրդարանի) 2-րդ գումարման պատգամավորների ընտրությունները կայացան. 101 պատգամավոր 45 երկրից
9.Փարիզում սփյուռքի նախարարության և «Հայասա» ֆեդերացիայի միջև ստորագրվեց հուշագիր
10.ՀՀՇ-ի, ՀՀԿի ճանապարհով չգնաք, որպեսզի բումերանգի պես այն չխփի պետությանը. Րաֆֆի Հովհաննիսյանը՝ ՔՊ-ին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: