ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Աթենքում հիշատակեցին Համիդյան ջարդերի 120-ամյակը

01 դեկտեմբերի, 2016 | 02:03

«Հանցագործությունների չդադարող շղթան ապացուցում է թուրքական իշխանությունների՝ ցեղասպանություններին շարունակական հակվածության գոյությունը…»

atenk-img_6248

Աթենք-30 նոյեմբերի- Ինչպես տեղեկացնում է ՕՐԵՐ-ին «Հայաստան» Լրատվական ցանցը, նոյեմբերի 28-ին, 1896թ. հայերի կոտորածի 120-ամյակը հիշատակող միջոցառումների շարքը սկսվեց Հունա-Հայկական ուսումնասիրությունների կենտրոնի քարտուղար պարոն Հովսեփ Քասեսյանի դասախոսությամբ: Նույն կազմակերպության տնօրեն պարոն Հայկ Քասարջյանը հատվածներ ներկայացրեց կոտորածների ականատեսների վկայություններից։

Հակիրճ ներածական ելույթով հանդես եկավ նաև «Արարատ» միության փոխտնօրեն պարոն Հակոբ Առաքելյանը:

Միջոցառումների այս շարքը, որը կազմակերպված է ՀԲԸՄ Հունաստանի մասնաճյուղի, «Արարատ» ՄՄ Միության և Հունա-Հայկական ուսումնասիրությունների կենտրոնի կողմից, ընդգրկում է յոթ միջոցառում:

atenk-h-arakelian

Օրվա դասախոսության թեման հետևյալն էր. «1896թ. հայերի կոտորածը և 1955թ. հույների Կոստանդնուպոլսում հետապնդումները. զուգադրական քննարկում»: Աթենքի` հիմնականում Փոքր Ասիայից բռնագաղթի ենթարկված հայերի և հույների ժառանգներով բնակեցված Նիկեա արվարձանի հանդիսությունների սրահում կայացած դասախոսությանը ներկա էին քաղաքապետ Յորղոս Իոակիմիդիսը (ում տատիկը հայ գաղթական է եղել), ինչպես նաև Խորհրդարանի անդամ և Էկոնոմիկայի նախկին նախարար պարոն Տրիֆոն Ալեքսիադիսը:

atenk-mr-kassesian-kasarjian

Բանախոսն Համիդյան ջարդերի էական դերը որակեց ոչ միայն որպես Ցեղասպանության նախապատրաստական փուլ, այլ նաև որպես ինքնին ցեղասպանություն: պարոն Քասեսյանը որպես օրինակ անդրադարձավ դեպքերից 60 տարի անց Կոստանդնուպոլսում հույների հետապնդումներին` որպես Թուրքական իշխանության` անփոփոխ ռասիստական և ցեղասպան բնույթի ապացույց:

«Տարբեր մարդկանց նկատմամբ տարբեր ժամանակներում կատարված հանցագործությունների չդադարող շղթան ապացուցում է թուրքական իշխանությունների՝ ցեղասպանություններին շարունակական հակվածության գոյությունը…»,- ամփոփեց Հովսեփ Քասեսյանը:

ՕՐԵՐ


Առնչվող նյութեր
1. Հայոց ցեղասպանության թանգարան-ինստիտուտի նոր տնօրեն է ընտրվել Հարություն Մարությանը
2. ՑԵՂԱՍՊԱՆՈՒԹՅՈՒՆԸ ԴԱՐՁՅԱԼ ՀԱՄԱՇԽԱՐՀԱՅԻՆ ՕՐԱԿԱՐԳՈՒՄ Է
3. Ծայրահեղականության, խտրականության և ատելության միտումները ցնցում են միջազգային օրակարգը. Զոհրաբ Մնացականայան
4. «ՈՎ ՄԱՐԴԿԱՅԻՆ ԱՐԴԱՐՈՒԹԻՒՆ…» ԹՈՒՐՔԻԱՆ «ՄՏԱՀՈ՜Գ» Է ԿՈՏՈՐԱԾՆԵՐՈՎ…
5. ԹՈՒՐՔԻԱ. ԿԻՆՈՌԵԺԻՍՈՐ-ԱՐՏԱԴՐՈՂ՝ ԱՐԱՄ ԳՅՈԻԼՅՈՒԶԸ ՈՉ ԵՎՍ Է
6. Ջորջ Բարսեղյանի եզակի նվիրատվությունը Հայոց ցեղասպանության թանգարանին
7. Ոստիկանները բաց են թողել Կարո Փայլանին
8. Գերմանիայի կանցլերը ծաղկեպսակ դրեց ցեղասպանության հուշակոթողին եւ եղեւնի տնկեց Ծիծեռնակաբերդում
9. Արա Գյուլերի թանգարան Թուրքիայում
10. Նախիջևանի սահմանը՝ Հայաստանի դեմ երկրորդ ճակատ. քննարկումներ Երեւանում

Մեկնաբանություն

Վերջին լուրեր
1.Լեհաստանի Զամոշչ քաղաքում բացվել է հայկական խաչքար և տեղի են ունեցել մի շարք մշակութային միջոցառումներ
2.Ին՞չ եփել այսօր՝ քաղաքական կաթսայում. հայացք Երեւանից
3.Աշխարհում յուրաքանչյուր 5 վայրկյանը մեկ 15 տարին չլրացած երեխա է մահանում. ՄԱԿ-ի զեկույց
4.Բուլղարահայ նկարիչ Բեդիգ Բեդրոսյանի հուշարձանը Սիլիստրայում
5.Լոնդոնի Թագավորական քոլեջում փորձաքննվել է ՀՀ Չինաստանի «Մետաքսի ճանապարհին» միանալու ռազմավարությունը` հայ գիտնականի մասնակցությամբ
6.Րաֆֆի Հերմոն Արաքսին՝ սփյուռքի նախարարության պատվոգիր
7.Ռումինիա. Գալաց քաղաքի Ս. Աստվածածին հայոց եկեղեցու 160 ամյակը նշվեց մեծ շուքով
8.Արեւմտյան Հայաստանի Ազգային ժողովի (Խորհրդարանի) 2-րդ գումարման պատգամավորների ընտրությունները կայացան. 101 պատգամավոր 45 երկրից
9.Փարիզում սփյուռքի նախարարության և «Հայասա» ֆեդերացիայի միջև ստորագրվեց հուշագիր
10.ՀՀՇ-ի, ՀՀԿի ճանապարհով չգնաք, որպեսզի բումերանգի պես այն չխփի պետությանը. Րաֆֆի Հովհաննիսյանը՝ ՔՊ-ին
Դիտել բոլորը
© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: