ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
22 սեպտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ազնավուր. Ես սիրում եմ չեխ հանդիսատեսին

15 մարտի, 2018 | 08:41

Մարտի 16-ին Պրահայի համագումարների պալատում երկրորդ անգամ հանդես կգա աշխարհահռչակ շանսոնյե Շարլ Ազնավուրը։ Համերգից առաջ նա սիրով պատասխանել է ՕՐԵՐ ամսագրի մի քանի հարցերին։

– Երկու տարի առաջ, առաջին անգամ հանդես եկաք Պրահայում: Ի՞նչ տպավորություններ ստացաք չեխ հանդիսատեսից, եւ այս անգամ ի՞նչ ծրագրով եք հանդես գալու: Հնարավոր են արդյո՞ք անակնկալներ:

-Ես սիրում եմ չեխ հանդիսատեսին: Նրանք շատ ջերմ են եւ ընկալունակ: Ես կկատարեմ մի քանի նոր երգ, բայց հիմնականում կհնչեն հանդիսատեսի կողմից սիրված երգերը, եւ նաեւ որոշ հին երգեր, որոնք ես տարիներ շարունակ չեմ կատարել։

 – Անցյալ տարի Իսրայելում Ձեզ շնորհվեց պատվավոր մրցանակ եւ դուք խոսեցիք ցեղասպանության ճանաչման վերաբերյալ Իսրայելի դիրքորոշման մասին: Ինչպիսի՞ն էր Իսրայելի նախագահի արձագանքը ձեր այդ կոչին:

– Շատ դրական եւ ըմբռնումով։ Կարծում եմ, Իսրայելում տրամադրության որոշակի փոփոխություն է տեղի ունենում  Հայոց ցեղասպանությունը ճանաչելու հարցում, եւ ես հույս ունեմ, որ դա տեղի կունենա ոչ շատ հեռու ապագայում:

– Մենք տեղյակ ենք, որ չեխական հայտնի Ֆեբիոֆեստ փառատոնում Ձեզ կտրվի Համաշխարհային կինոյում ունեցած վաստակի համար Քրիստիան մրցանակը: Ի՞նչ  նշանակություն ունեն Ձեզ համար  կինոարվեստում ձեր ունեցած նվաճումների համար տրվող նման մրցանակները։

– Միշտ էլ հաճելի է, երբ գնահատվում է քո կատարած աշխատանքը:

– Վերջին անգամ ե՞րբ եք նկարահանվել ֆիլմում եւ արդյո՞ք նոր դերակատարումների առաջարկներ ստանում եք։

– Վերջին տարիներին ես մերժել եմ յուրաքանչյուր նման առաջարկ: Այսօր ինձանից մեծ ջանք է պահանջվում, որպեսզի  տեքստը անգիր հիշեմ: Ես չեմ կարողանում անել այն, ինչ Բրանդոն էր կարողանում անելˋ նա անգիր չէր սովորում, բայց կարողանում էր կարդալ իր դիմացի տողերը։ Դուք դա երբեք չեք զգացել, դրա համար էլ նա մեծություն էր: Ես հին դպրոցից եմ, ուստի պետք է անգիր սովորեմ իմ տողերը: Այսպիսով, նոր ֆիլմի ծրագրեր չկան։

 

Հ.Ասատրյան

ՕՐԵՐ


Առնչվող նյութեր
1. Կարինե Արթունին վերանորոգել է Պրահայի քաղաքապետարանի հին աշտարակի զինանշանները
2. «Պէտք է Հայրենիքին ծառայելու այլընտրանքային միջոցներ որոնել».- Տեսակցութիւն՝ Չեխիոյ «Օրեր» ամսագրի խմբագիր Յակոբ Ասատրեանի հետ
3. Հայ երեխաները դարձան Պրահայի միջազգային երաժշտական փառատոնի դափնեկիրներ
4. Հայ-իսպանական երեկո Պրահայում. Կերգեն նաեւ հայ երգիչները
5. «Եկեղեցեաց Գիշեր» նշուեցաւ Պրահայի մէջ. Դր. Հայկ Սրկ. Իւթիւճեանի այցը Ս. Ղազար
6. Լեհաստանի հայերի երրորդ համագումարը Վարշավայում. ներկայացվեց նաեւ ՕՐԵՐ-ի լեհահայությանը նվիրված հատուկ համարը
7. ՊՐԱՀԱ. ,,Գուրմետ Հաուսը,, ներկայացրեց Հայաստանը՝ դեսպանությունների փառատոնում
8. Նիկոլը, Հավելը եւ Հայաստանի վերանկախացումը
9. Չեխահայությունը նշեց Ապրիլի 24-ը. Երթ, ժամերգություն եւ համերգ
10. Պրահայի հայ երիտասարդներն իրենց աջակցությունն են հայտնում երևանյան ցույցերին

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: