ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
16 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

Ազատ է արձակվել Գարեգին Չուգասզյանը

11 մայիսի, 2018 | 17:39

Ըստ Հայկական ժամանակ օրաթերթի,  «Նուբարաշեն» ՔԿՀ-ից ազատ է արձակվել «Հիմնադիր խորհրդարանի» նախագահ 16 օր հացադուլի մեջ գտնվող Գարեգին Չուգասզյանը:

Տեղեկությունը մեր զրույցում հաստատեց նրա պաշտպան Տիգրան Եգորյանը՝ հավելելով, որ իր պաշտպանյալն ազատ է արձակվել պատգամավորների երաշխավորությամբ:

Նշենք, որ այսօր ԱԺ ԵԼՔ խմբակցության պատգամավորներ Արարատ Միրզոյանը եւ Լենա Նազարյանը երաշխավորություն են ներկայացրել Գարեգին Չուգասզյանի խափանման միջոցը փոխելու վերաբերյալ։

Հիշեցնենք, որ Չուգասզյանը 2016 թվականի հուլիսից հետախուզվում էր ՀՀ քրեական օրենսգրքի 225-րդ հոդվածի 1-ին մասի՝ զանգվածային անկարգություններ կազմակերպելու հատկանիշներով եւ նրա նկատմամբ նախաքննություն իրականացնող մարմինը խափանման միջոց էր ընտրել կալանավորումը: Այս գործով անցնում են նաեւ Ժիրայր Սեֆիլյանը, Գեւորգ Սաֆարյանը, Պավել Մանուկյանը եւ Վարուժան Ավետիսյանը:

Ժիրայր Սեֆիլյանն ու Գեւորգ Սաֆարյանն արդեն իսկ առաջին ատյանի դատարանի կողմից մեղավոր են ճանաչվել ու դատապարտվել, իսկ Պավել Մանուկյանի եւ Վարուժան Ավետիսյանի վերաբերյալ գործը միացվել է 2016 թվականի հունիսին ՊՊԾ գունդը գրավելու վերաբերյալ հարուցված քրեական գործին:

Չուգասզյանը ընդհատակում էր գտնվում 2016 թվականից: Նա ընդհատակից դուրս է եկել սույն թվականի ապրիլի 24-ին եւ նույն օրը Ծիծեռնակաբերդի բարձունքից իջնելիս ճանապարհին ձերբակալվել, ապա կալանավորվել: Կալանավորվելուց հետո Չուգասզյանը անժամկետ հացադուլ էր հայտարարել:


Առնչվող նյութեր
1. Նիկոլ Փաշինյանի հետ հանդիպումից հետո Գարեգին Չուգասզյանը դադարեցրեց հացադուլը
2. Գարեգին Չուգասզյանը շարունակում է հացադուլը. 30 օր
3. Գարեգին Չուգասզյան. Մեզնից է կախված՝ ազգային օրացույցում կավելանա համազգային ողբի՞, թե՞ համազգային հաղթանակի ևս մեկ օր
4. Շարասյան նկատմամբ բռնություն կիրառեցին, ջարդեցին, փշրեցին մարդկանց, անգամ կրակոցներ հնչեցին. Գարեգին Չուքասզյան
5. Ցեղասպանության 100-ամյակին ընդառաջ՝ քաղաքական դասախոսություն Գերմանիայում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: