ԵՎՐՈՊԱԿԱՆ ԱՆԿԱԽ ԱՄՍԱԳԻՐ
ՀՐԱՏԱՐԱԿՎՈՒՄ Է 1999թ. ՊՐԱՀԱՅՈՒՄ
19 դեկտեմբերի, 2018
Կյանքը գնում է, ՕՐԵՐՆ են մնում     Život běží, DNY zůstávají.     Life passes, DAYS remain     Жизнь проходит, ДНИ остаются

ՙԱռանց կանոնների՚. 15-ամյա Դիանա Քալաշովան ներկայացրեց իր առաջին ձայնասկավառակը/ տեսահոլովակ/

11 փետրվարի, 2018 | 11:08

 

 

Հունվարի 25ին Պրահայի Կոտվա առեւտրային տան սրահում տեղի ունեցավ Դիանա Քալաշովայի  ՙԱռանց կանոնների՚ առաջին ձայանասկավառակի շնորհանդեսը։

 

Ձեռնարկը վարեց  հայտնի ռադիոհաղորդավար Մարտին Ցիգանը, որի ընթացքում 15-ամյա երգչուհուն շնորհավորեցին երգչուհի եւ բլոգեր  Մոնիկա Բագարովան, դերասան, բլոգեր Մարտին Ցարեւը, պրոդյուսեր եւ երգահան Սեբաստիան Հադլը։ Նոր ձայնասկավառակում ներկայացված են չեխերեն 10 նոր երգեր , որոնց հեղինակն է Դանիել Հանդլը։ Դիանան շնորհակալություն հայտնեց իր նոր ձայնասկավառակի բոլոր աջակիցներին, ներկա հյուրերին եւ չեխերեն ու անգլերեն կատարեց մի քանի երգ, այդ թվումˋՙԱռանց կանոնների՚ երգը։ Նրա ասելով , նոր երգերը հիմնականում կյանքի, սիրո ու մարդկային հարաբերությունների մասին են։

 

Շնորհանդեսին նաեւ տոնական տորթը կտրեցին, իսկ նոր ձայնասկավառակը շնորհավորեցին  շամպայնով։

ՙՇատ  ուրախ եմ, որ վերջապես իմ երազանքը կատարվեց եւ թողարկեցի առաջին ձայնասկավառակը։ 2017-ը շատ լավ տարի էր ինձ համար.  նոր ձայնագրություններ,  նոր ընկերներ եւ նոր դպրոց։ Վեց տարի սովորելու եմ Պրահայի կոնսերվատորիայում։ Այս տարվա ծրագրերս նույնպես շատ են։ Պատրաստվում եմ նաեւ նոր երգիսˋՙԱռանց կանոնների՚ տեսահոլովակի տեսագրությանը,որը կունենա  նաեւ անգլերեն տարբերակ՚,-շնորհանդեսից հետո մեզ հետ զրույցում ասաց Դիանան։

Դիանային շնորհավորեցին նաեւ Չեխիայում Հայաստանի դեսպանության խորհրդական Նունե Զաստուխովան եւ ՕՐԵՐ ամսագրի գլխավոր խմբագիր Հակոբ Ասատրյանը։ 

Հիշեցնենք, որ 2011 թվականին 9 ամյա Դիանա Քալաշովան Չեխիայում եւ Սլովակիայում անցկացվող ,,Չեխիան եւ Սլովակիան ունի տաղանդ 2,, հեռուստաշոուի առաջին փուլում  իր հրաշալի ելույթով գրավեց ժյուրիի եւ միլիոնավոր հեռուստադիտողների ուշադրությունը։ 2012 թվականին թողարկվեց  նրա առաջին  երգով ձայնասկավառակը եւ տեղի ունեցավ նրա առաջին տեսահոլովակի ˋ `No asking why,, (Մի հարցրու՝ ինչու՞) երգի շնորհանդեսը։

Նա նաեւ հանդիսանում է  ,,Տալիս եմ սիրտս երեխաներին,, բարեգործական նախագծի գովազդային դեմքը։

Դիանա Քալաշի (Քելաշովայի) արմատները Հայաստանից են, նա ազգությամբ եզդի է, ծնվել է Ռուսաստանում։

 orer.eu

ՕՐԵՐ

Լուսանկարները՝ Հակոբ Ասատրյան/ՕՐԵՐ/


Առնչվող նյութեր
1. Դեսպան Տիգրան Սեյրանյանի հանդիպումը Չեխիայի խորհրդարանի Պատգամավորների պալատի նախագահ Ռադեկ Վոնդրաչեկի հետ
2. Դեսպան Տիգրան Սեյրանյանի հանդիպումը Չեխիայի արդյունաբերության և առևտրի նախարար Մարթա Նովակովայի հետ
3. Արման Կիրակոսյան. Ցեղասպանության թեման պետք է դառնա դասագրքային ուսումնառության առարկա
4. Դեսպան Տիգրան Սեյրանյանի հանդիպումը Չեխիայի Սենատի նախագահ Կուբերայի հետ
5. Պրահայում նշվեց Սպիտակի երկրաշարժի 30-րդ տարելիցը
6. Հովհաննես Թումանյանի 150-ամյակին նվիրված հանդիպում եւ գրքի շնորհանդես Պրահայում
7. Չեխական Սոկոլովում բացվեց ռազմագերիներին նվիրված հուշարձան. նրանց թվում են տասնյակից ավելի հայեր
8. Դեսպան Տիգրան Սեյրանյանի հանդիպումը Չեխիայի արտաքին գործերի նախարար Տոմաշ Պետրժիչեկի հետ
9. Փառահեղ ու յուզիչ հագներգութիւն ի Պրահա
10. Անդրան Աբրահամյանը ճանաչվեց Լավագույն ռեժիսոր ՙՖամուֆեստ՚ կինոփառատոնում

Մեկնաբանություն

© ORER.CZ 2003-2012, ORER.EU 2012-2018
Մեջբերումներ անելիս հղումը OՐԵՐԻՆ պարտադիր է:
Կայքի նյութերի մասնակի կամ ամբողջական հեռուստա-ռադիոընթերցումն առանց հղման արգելվում է: