Չեխական Կարլովի Վարիում երեկ հանդիսավորությամբ փակվեց 56-րդ միջազգային կինոփառատոնը։
Իրանցի կինոռեժիսոր Սադաֆ Ֆորուգիի «Հույսերի ամառ» իրանական սոցիալական դրաման շահեց Կարլովի Վարիի ՄԿՓ-ի գլխավոր մրցանակը՝ «Բյուրեղյա գլոբուս»ը։ Ֆիլմը պատմում է երկու տղամարդու դաշինքի մասին, որոնք պայքարում են դժբախտության դեմ։
Փառատոնի ժյուրիի հատուկ մրցանակը ստացավ իսպանական «Դուք պետք է գաք դիտելու» ֆիլմը, որի ռեժիսորն է Յոնաս Տրուեբան: Կինեմատիկական միկրո-գծանկար ֆիլմը համադրում է գյուղական և քաղաքային միջավայրերը:
Ավստրալացի դերասան Ջեֆրի Ռաշը, ով չորեքշաբթի օրվանից հանդիպումներ էր ունենում Կարլովի Վարիի հանդիսատեսի հետ, Բյուրեղապակյա գլոբուս ստացավ համաշխարհային կինոյում ակնառու գեղարվեստական ավանդի համար։
«Շնորհակալ եմ իմ կարիերան գնահատելու համար, բայց ամենից առաջ ես գնահատում եմ այն փաստը, որ իմ երևակայությունը կարող է այդքան հաճախ և ուժեղ ոգեշնչվել Չեխիայից ստացված փորձից»,- շնորհակալություն է հայտնել հմայիչ ավստրալացին:
Փառատոնի նախագահի մրցանակը երեկվա փակման արարողության ժամանակ ստացավ դերասան Բենիսիո Դել Տորոն։
«Տարօրինակ է տեսնել, թե ինչ եմ նկարահանել։ Ես չգիտեմ, թե իրականում ինչպես հասա այստեղ. գուցե դա բախտ էր, գուցե տաղանդ, գուցե համառություն: Բայց իմ աշխատանքը շատերի վստահության հետեւանքն է նույնիսկ այն պահերին, երբ ես նույնպես չէի հավատում ինքս ինձ», ասել է անվանի դերասանը մրցանակ ստանալիս։
Կինոփառատոնի նախագահից երեկ մրցանակ ստացվա նաեւ չեխ հանրահայտ դերասան Բոլեկ Պոլիվկան։ Նա թատրոնի, կինոյի, հեռուստատեսության ամենասիրված դերասաններից մեկն է։
5Կարլովի Վարիի 56-րդ կինոփառատոնում Լավագույն կինոռեժիսոր ճանաչվեց Բեատա Պարկանովան՝ չեխական «Խոսք» ֆիլմի համար: Ֆիլմը ներկայացնում է 1968 թվականի ամռանը ծանր փորձության ենթարկված նոտարի և նրա կնոջ ընտանիքի խիստ ոգեշնչող դիմանկարը:
Լավագույն կին դերասանուհի մրցանակին արժանացել են վրացական «Սեփական սենյակ» ֆիլմի գլխավոր դերակատարուհիներ Տակի Մումլաձեն , ով նաեւ սցենարի հեղինակն է, եւ Մարիամ Խունդաձեն երկրորդ մրցանակը։ «Սեփական սենյակ» ֆիլմը ցույց է տալիս կյանքը ժամանակակից Թբիլիսիում և միևնույն ժամանակ վրացական հասարակության մի մասի վրա նահապետական մտածողության շարունակական ազդեցությունը:
Տղամարդու լավագույն դերակատարման համար մրցանակին արժանացավ չեխ դերասան Մարտին Ֆինգերը՝ «Խոսք» ֆիլմում կետած կերպարի համար։
Փառատոնի Proxima նոր մրցութային ծրագրի առաջին հաղթողը դարձավ վավերագրական «Արվեստի քննություն» ֆիլմը, որի ռեժիսորներն են Ադելա Կոմրզին և Թոմաշ Բոյարը։ Ֆիլմը խորը ուսումնասիրություն է արվեստի դպրոցի համար տաղանդների քննությունների մասին։
Պրոքսիմա մրցույթի ժյուրիի հատուկ մրցանակը շնորհվել է իսպանա-արգենտինական «La Pietà» ֆիլմին, որի ռեժիսորը Էդուարդո Կազանովան է։ Ֆիլմը տեսողականորեն գրավիչ ֆիլմ է մոր և որդու միջև «թունավոր» հարաբերությունների մասին:
